7 رسائل من السيسي خلال متلقى الصناعة.. وهذا ما قاله عن الدولار
أدلى الرئيس عبدالفتاح السيسي بعدد من الرسائل الهامة خلال افتتاح المتلقي الدولي الأول للصناعة وتدشين بعض مشروعات المبادرة الوطنية لتطوير الصناعة "ابدأ".
مشاركة السيسي في مبادرة تطوير الصناعة
وشهد الرئيس عبدالفتاح السيسي، اليوم السبت، افتتاح وتدشين 64 مشروعا، ضمن المبادرة الوطنية لتطوير الصناعة "ابدأ"، عبر تقنية "فيديو كونفرانس".
وافتتح الرئيس السيسي، عبر تقنية الفيديو كونفرانس، مصنع توسعات الطلمبات والمحركات الكهربائية مع شباب مبادرة "ابدأ"، وقال رئيس مجلس إدارة شركة الوايلر فريد للطلمبات المهندس حسام فريد إن الشركة تأسست عام 1982 بشراكة مصرية ألمانية ما بين شركة أولاد فريد حسنين وشركة الوايلر الألمانية، إحدى شركات مجموعة سير كور الأمريكية.
جاء ذلك على هامش افتتاح الرئيس، للملتقى والمعرض الدولي الأول للصناعة بمركز المنارة للمؤتمرات، بالتجمع الخامس في القاهرة الجديدة، والذي ينظمه اتحاد الصناعات المصرية، بمناسبة مرور 100 عام على تأسيسه.
المعايير المؤسسية لإدارة المشروعات قد تكون معيقة
و تحدث الرئيس عبد الفتاح السيسي، عن طموحات العمل في القطاع الصناعي، قائلا: "قولت قبل ما أجي النهارده.. اعمل أنا مكتب لإدارة المشروعات الصناعية الجديدة.. واقعد على الحاجة لحد ما تخلص.. وأفضل أقول اعمل اعمل اعمل اعمل.. أقل خسارة وأقل خطورة من أني مش اعمل عقبال ما أدرس وأشوف.. بقول الكلام ده لينا كلنا.. للتجارة والصناعة.
وأضاف الرئيس السيسي، خلال كلمته في افتتاح المتلقي الدولي الأول للصناعة: "بنتكلم عن معايير مؤسسية لإدارة العمل وقد تكون أحيانا معيقة للتقدم.. وحجم الضرر الناتج عنها.. قبل ما اجي قولت اعمل عندي مكتب.. واللى عنده مشروع بـ 100 مليون يجيلي على طول.. والدكتور مصطفي عمل كده.. ومش معناها أن الناس مش شغالة".
مستعد أخش معاكم بالنص
وأبدي الرئيس السيسي استعداد الدولة للدخول كشريك مع بعض المستثمرين في مبادرة ابدأ بهدف تشجيع رجال الصناعة، قائلا: "يا اللي هتشتغلوا في ابدأ مستعد أخش معاكم بالنص، مش علشان عاوز أخش معاك، لكن علشان أشجعك إن فيه جزء من المخاطرة الدولة معاك فيها، والهدف أيضا تشجيع رجال الصناعة في مصر، وكل من يحتاج يتحرك معانا إحنا معاك".
التحدي بيولد فرصة وليس عقبة
وقال الرئيس عبد الفتاح السيسي إن التحدي يولد فرصة وليس عقبة، مضيفا: التحدي بيولد فرصة وليس عقبة زي ما الناس فاكرة والأزمة بتولد فرصة لو إحنا عندنا الإرادة والاستعداد، متابعا: "في حاجات محتاجة دراسات وفي حاجات واضحة جدا زي موضوع الخامات الدوائية والمعدات اللي بنجيبها من برا".
تطوير الصناعات يحتاج إلى إجراءات غير تقليدية
وأكد الرئيس عبد الفتاح السيسي، أن الأوضاع الحالية لتطوير الصناعات المختلفة تحتاج إلى إجراءات غير تقليدية، قائلا: "لما اتكلمت عن الرخصة الذهبية قولت خليها 3 شهور.. افتح الإجراءات لمدة زمنية محددة.. واقبل التجاوز والعوار فيها مؤقتا.. واظبط الدنيا تاني.. بس دي قوة دفع هائلة لمشاريع بتاخد وقت كبير جدا.. في فترة زمنية.. حتى لو فيها شيء في العوار".
وأضاف: "البنك يقول للمستثمر طالب التمويل عاوز دراسة الجدوي.. علشان يقدر يمول المشروعات.. والبنك بيطلب طلبات محددة.. المصري هحلها دلوقتي فيما يخص دراسات الجدوي.. فيه قوائم لمشروعات محددة أقرتها التجارة والمالية والبنك المركزي... وبنقول للبنوك المشروعات دي لو سمحت يتم العمل معاها مستعدين نتحمل.. وفق المسار ده لما واعمل 100 مشروع بالطريقة دي.. بطريقة دراسات الجدوي هتاخد 5 سنين.. وتضيع الفرصة 5 سنين.. يمكن بالطريقة دي ياخدوا سنة.. يمكن يكون جواهم 2 أو 3 مش مظبوطين.. مستعد كدولة ادخل لتجاوز موضوع الوقت والخوف لمن يرغب.. علشان نقدر نحقق اللى بتتمناه.. وشكرا جزيلا".
تحديات وأزمات الـ 3 سنوات الماضية
وقال السيسي: الواقع اللي حصل خلال الـ 3 سنوات الماضية تعتبر تحديات وأزمات كبيرة لكنها أبرزت فرصة محتاجين نستفيد منها، وعلى سبيل المثال.. الصراع التجاري في العالم واللي بيوضح ان الدنيا اللي كانت ماشية بشكل معين وأصبحت تسير بشكل آخر، حتى خلال كورونا، وبعدها الأزمة الروسية بعد استقرار سلاسل الإمداد والتوريد، وأيضا المجمعات الصناعية اللي تشكلت في العالم خلال السنين اللي فاتت، دلوقتي بقى بيُعاد تشكيلها وصياغتها.
وأضاف الرئيس: هل احنا عندنا فرصة أتصور أن تكلفة الإنتاج والتشغيل عندنا هتبقى بتوفر فرصة مش هتوفر؟، لأننا كمصنعين مش هقدر أتواصل مع الصناعات المماثلة أحسن منك لأن النهاردة شغال مثلا زي التكييفات والمنتج اللي أنا شغال فيه أنا عارف السوق العالمي فين وحتى في مصر أقدر أعمل فيه وفرصتي فيه إيه، ولما أقول للناس تعالوا أنا مستعد نعمل في مصر تطوير للإنتاج علشان سلاسل الإمداد دي تتحسن بدخولنا من خلال موقعنا الجغرافي واتفاقيات التجارة الحرة، وتسعير الطاقة اللي موجودة عندنا والتسهيلات اللي ممكن نقدمها ومن خلال العمالة المصرية اللي تكلفتها لا تقارن بأي تكلفة تانية.
بالتوفيق وكل الدعم لكم منا كلنا من الحكومة والشعب
ووجه السيسي رسالة للمستثمرين قائلا: "بالتوفيق وكل الدعم لكم منا كلنا من الحكومة والشعب ومن بعضنا البعض من أجل بلدنا تواصلنا المستمر هتخلينا نشوف أكتر ونسمع بعض أكتر دون أن نتهم أحد ولا أحد يتمهنا.. لا تعالوا نحط ايدينا في ايد بعض ونتكلم ونسمع بعض ونحاول نتحرك لمصلحة مصر المشتركة وابدا كمل لسة بدري ولا 100 مليار وعندنا فرصة كويسة، وشكرا جزيلا".
أزمة الدولار كاشفة وفاتورة الدولار تزيد عاما بعد آخر
وأشار الرئيس عبد الفتاح السيسي إلى إن أزمة الدولار كاشفة وفاتورة الدولار تزيد عاما بعد آخر، مضيفا: "فاتورة الدولار بتزيد علينا سنة بعد سنة إذا ماكناش نسابق الوقت ونحقق فرصة في إنتاج جزء كبير من المنتجات والمستلزمات اللي بنجيبها من برا".
وتابع الرئيس عبد الفتاح السيسي: نزود الناتج المحلي ونشغل الناس في مصر، ونستهدف في أي مشروع نغطي الطلب في مصر الأول قبل التصدير.
