عزة مصطفى: الإخوان شغالين بشكل فج على الجيش المصري (فيديو)
نفت الإعلامية عزة مصطفى، أن يكون وجود جماعة الإخوان الإرهابية انتهى من الساحة، لافتة إلى أن من يعتقد ذلك الأمر فهو مخطئ؛ مضيفة أن هذه الجماعة أصبح لديها قنوات إعلامية جديدة.
اللي يقول إن الإخوان انتهوا ده كلام مش صحيح
واستطردت عزة مصطفى، خلال تقديم برنامج «صالة التحرير» المذاع عبر قناة «صدى البلد»: «اللي يقول إن الإخوان انتهوا ده كلام مش صحيح، واللي يقول تمويل الإخوان خلص ده كلام مش صحيح؛ والدليل إنه بقى ليهم قنوات إعلامية جديدة غير اللي كانت موجودة».
"الإخوان بيكثفوا التسخين"
وأضافت الإعلامية عزة مصطفى: «الإخوان بيكثفوا التسخين، وملفتش نظر حضراتكم كام حساب جديد ظهر على السوشيال ميديا؟، وكمية الهجوم والتدني الرخيص اللي بيحصل بشكل صريح؟؛ بعد ظهر حسابات كتير مرة واحدة، لما تقعد تشغل دماغك لازم تنتبه لـ 3 حاجات أولًا تسخين الشعب المصري على وطنه بسبب الغلاء اللي جالنا من بره».
"الإخوان شغالين بشكل فج على الجيش المصري العظيم"
وتابعت عزة مصطفى: «وده بدليل إننا كنا أفضل قبل الغلاء ده ما ييجي من بره، ولو لاحظت إن الإخوان شغالين بشكل فج على الجيش المصري العظيم اللي العالم كله بيشيد بيه، وشغالين على عمل فتنة بين المسلمين والمسيحيين؛ والغرض حدوث وقيعة بين الشعب وبعضة والشعب وجيشه والشعب وقيادته».
