رسائل نارية للرئيس السيسي بالمؤتمر الاقتصادي للإسلام السياسي.. ماذا قال؟

ذكر الرئيس عبدالفتاح السيسي أثناء المؤتمر الاقتصادي الذي بدأ اليوم الأحد، الشعب المصري، أنه قال للناس في 2011 إنها كانت إعلان وفاة الدولة المصرية؛ الشعب عايز يغير ومش شايف أمل واتحرك.. اتحرك في 2011 و2013 للتغيير.

وقال الرئيس السيسي: "اوعوا تنسوا إن أكتر حاجة، وآسف إني بقول كده، كنت أتمنى إن اللي بيدّعوا حمل راية الدين يكونوا أمناء وشرفاء ومخلصين.. باتكلم عشان فيه تجربة". 

مضيفًا "اللي الدكتور مصطفى حط صورة الكوبري، حالة التشكيك موجودة ضد البلد من 80 سنة، طب الحالة دي هتطلع إيه، هتطلع رأي عام إزاي، قدرته على الصمود عامل إزاي، كنت أتمنى يكون فيه صدق أمام الصدق، قسمًا بالله لم أتحدث كذبًا قط في أي حاجة".  

رسائل نارية من السيسي 

واختتم كلمته، "كنت أتمنى يكونوا صادقين في تناولهم، انت مش جربت وانت بتتولى كانت هتخرب منك، كنت هتقابل ربنا وانت بتضيع 100 مليون، هو مايعرفش، الدولة دي حكاية كبيرة أوي، عايزة من المهتمين بالموضوع قراءات كبيرة لسنوات كبيرة، وقبل ده يكون فيه قرار إلهي إن الدولة دي متروحش، وأنا أقدر أطمئن لده بوضوح بالنسبة لي".  

وأكمل الرئيس: أنا جيت في حملة 2014 قلت أنا لها أنا لها، اديتكم وعود جميلة؟ لأ، قلت التحدي كبير وأكبر من الدولة المصرية كقيادة وحكومة؛ لكن مش أكبر من الشعب.

وكان الرئيس عبدالفتاح السيسي،قد شهد انطلاق فعاليات "المؤتمر الاقتصادي- مصر 2022" الذي تنظمه الحكومة على مدار 3 أيام في العاصمة الإدارية الجديدة.

ويشارك في فعاليات انطلاق المؤتمر الاقتصادي رئيس مجلس الوزراء الدكتور مصطفى مدبولي، وعدد من الوزراء وكبار رجال الدولة، بمشاركة نخبة واسعة من كبار الاقتصاديين والمفكرين والخبراء.