ابنة الباسلة تعيد مبلغ 360 ألف جنيه لصاحبه

أعادت  سيدة من أبناء محافظة بورسعيد ما عثرت علية من أموال وصلت 360الف جنية داخل شنطة، لصاحبها بعدما وجدتها في سيارة تاكسي.

حيث صرح زوجها أحمد  سعد على صفحته الشخصيه على موقع التواصل الاجتماعي، بأن زوجته عثرت على مبلغ 360،000 جنيه، داخل شنطه فى تاكسي،  فقدت من صاحبها واصرت على اعاده الاموال لصاحبها.

وعلق أحد أصدقاء زوج أم سيف:  "يا رجالة من اللي أنا فهمتو من أحمد سعد لما سألنى على الراجل ده لأنه لابس لبس أمن وداخل باب 20، الناس دي شغالة جوة مع شركة أمن، وشباب غلابه جدا بيشتغلو 12 ساعة من ديق الحال، ومنهم ناس صحابي جدا وعشرة عُمر.. فأكيد كان بيوصلهم لحد يعرفوا في الجمرك يدفعهم رسوم بضاعة في البنك اللي عند باب 20، ونزل ونسيهم.. يعني كان هيروح في داهية.. ربنا عالم بحاله أن يركب معاه واحدة زي أم سيف.. أصيله بنت أصول، وبتتقي ربنا زي جوزها الراجل الجدع أخونا أحمد سعد، والسواق يقولها نقسمهم وكل واحد يروح لحاله، وأنا مشفتكيش ولا شفتيني ومترضاش وتفضحه وتقلب الدنيا وتوقف التاكس، وتتصل بجوزها ويرجعوا للغلبان؛ يدولوا الفلوس وتردلوا الروح تاني.. ده درس في الأمانه والشرف.. نتعلم منه كلنا، وربنا يجعله في ميزان حسناتهم والجزاء الكبير عند الله سبحانه وتعالى مش فى الـ٢٠٠جنيه، ومن أهل الكتاب، من أن تأمنه بقنطار يؤده إليك، ومنهم من تأمنه بدينار لا يؤده إليك، ورسولك الكريم صلى عليه كان حتى الكفار يُلقبوه بالصادق الأمين، ويودعون عنده الأمانات، لأمانته وهم ليسوا بمسلمين.. إنما الأمم الأخلاق ما بقيت، فإن ذهبت أخلاقهم ذهبوا".

واثني جميع رواد الفيس بوك على السيدة والتى جسدت معني السيدة البورسعيدية الأصيلة، الاتى لا تقبل المال الحرام، سيدة أمينة وصاحبة مبدأ تمثل ابنة المدينة الباسلة.