لماذا تصدرت فريدة سيف النصر مؤشرات البحث على جوجل؟
بعد منشورها الذي كتبته أمس على "فيس بوك"، تصدرت الفنانة فريدة سيف النصر، مؤشرات البحث على مواقع التواصل الاجتماعي، معبرة عن مدى حزنها من الهجوم الذي يتعرض له الفنانين طوال الوقت، مشيرة إلى أنها حملات موجهة.
وتضمن منشور فريدة، مدى استيائها من العبارات الجارحة التي يطلقها البعض علي النجوم، وعن مدى الهجوم الذي يتعرضون له، والسخرية منهم، ومن أشكالهم وتقدمهم في السن، وتطلب من هؤلاء مرعاه شعور مثل هؤلاء الفنانين، والتعبير عن آراهم بشكل لائق.
ما نشرته فريدة سيف النصر علي السوشيال ميديا
"أنا زعلانة علينا كلنا أوي..المصريين أحلى وأطيب وأجدع من كده بكتير..خفة دم وكرم وذوق..إيه اللي حصل..ليه بنستخبي ورا شاشات وننزل نحرا في رقاب بعض..الكلمة القاسية بتذبح..بقينا نكديين مانعرفش نفرق بين جد وهزار كله عايز يتخانق مع كله..إيه ده..وكل يوم يعاملوك بوش أو حسب المصلحة".
وده اتكسح ودي روحي موتي
وتابعت فريدة "في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها، وده دمه تقيل، وده كبر في السن لكن بيغني، وده بيرقص كونغرو، وده اتكسح ودي روحي موتي ".
الفنانين القوي الناعمة اللي فاتحين بيوت 14مليون
وأضافت " كفايه عيب بتقولوا كده لأهاليكم ما كل العالم وانتم بعدين لازم تكبروا دي سنة الحياة..مالكم في ايه بجد..هما الناس دي ما أسعدكمش أعمالهم فترات من الزمن..طيب بلاش انت مابتحبوش فلان غيرك بيحبه..في ايه ياجماعه تحسوا مخطط لهدم الفنانين القوي الناعمه اللي فاتحين بيوت 14مليونا. متخيلين.كل المهن شغاله معانا تحت أيديهم كام عامل واسطي كل واحد فيهم عنده أهل وزوجه وأطفال وفي اللي جوز ولاده وعندهم بيوت مفتوحه..بتحاربوا تمن عدد البلد في أكل عيشهم.
أنا عارفة أنها لجان مستهدفة الفن المصري
واختتمت حديثا قائلة: "أقرءوا كده المسلسل بيتكتب ناس قد إيه عمالة في كل المجالات من أول مؤلف لحد السواقين في العمل مسلسل واحد ممكن يشغل خمسة آلاف حد مش هزار. شوفوا الأسماء وقولولي..كفاية هدد في الفن..الوحش انقدوه بأدب والكويس شجعوه..إنما تسهتزءوا بفنانين كبار ليه يعني..علي فكرة أنا عارفة أنها لجان مستهدفة الفن المصري..والفن عموما ماهو العربي بيصب هنا.هاه قررتوا إيه..هانشتم من ورا الشاشة ولا هانقول كلام نصح حلو ياباشا".
ولاقي منشور فريدة الكثير من التعليقات الإيجابية، التي تعبر عن مدي، تضامن الكثيرين عن ما نشرته فريدة، حيث إن التعامل والحديث عن الفنانيين يجيب ان بمستوى لائق من الاحترام، مع التقدير لمثل هؤلاء لما قدموه لنا.
