مهزلة حقيقة.. نيرة أشرف تتصدر تريند تويتر مرة أخرى
خلال الساعات الأخيرة، تصدرت "نيرة أشرف"، ضحية القتل على يد زميلها في جامعة المنصورة تريند "تويتر"، وذلك عقب تداول مقطع فيديو لجثتها داخل مشرحة مستشفى الدولي، مما أثار غضب رواد التواصل الاجتماعي لما فيه من انتهاك لحرمة الموتى.
غضب بين رواد التواصل الاجتماعي
"محدش يشوف الفيديو مؤلم " بتلك العبارات علق أحد النشطاء علي التريند قائلا "نيرة_أشرف خلاص بين إدين ربنا اللي أرحم بيها منا ومن أمها ربنا يرحمها ويغفر لها ويسكنها فسيح جناته أنا شفت الفيديو بتاع المشرحة وياريت ماحد يشوفه لأنه مؤلم المجرم مخلاش في جسمها حتة سليمة دبح وطعن ده مش إنسان ده مريض واللي بيدافع عنه هو المجرم فعلا ادعولها".
حق نيرة لازم يرجع
وطالب النشطاء من خلال التريند، معلقين "طيب منقول كلمه من الآخر، مهما كانت أخلاقها ولا تربيتها ولا وضعها ! برضو مين إداك الحق تنهي حياتها لمجرد إنها رفضتك ؟ وشوية حيوانات بتشير صور ومقاطع ولا فيه أدني احترام لحرمة المتوفي !! حرفيًا بقينا عايشين في وسط أقذر فئة عرفها المجتمع حقك راجع يانيرة إن شاء الله "
مرض نفسي
ووصف البعض من قام بنشر الفيديو بأنه يعاني من مرض نفسي، قائلا: "الفيديو بتاع المشرحة أخبار المتعاطفين مع المجرم إيه وأخبار التافهين اللي بينزلوه صورها إيه أؤكد أنكم عندكم مرض نفسي".
وأضاف آخر "من سمح لعقله المريض يصورها وهي في المشرحه لا يقل إجرام عن قاتلها.. والمتعاطف مع المجرم زيه بالظبط مجرم، يقول الله جل وعلا (أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ ) الله المستعان وحسبي الله ونعم الوكيل في كل متعاطف
مهزلة حقيقة
وعلق أحد النشطاء، قائلًا "اللي بيحصل ف مصر ده مهزلة حقيقية، يعني إيه شخص يخش المشرحة يصور جثة، أكشيلي احنا عايشين ف زريبة"، وشارك آخر اللي بحصل مهزلة فعلا وصار لازم ينحط حد للي بحصل فاضل بس ينزلولنا فيديو من جوة القبر للبنت وبهيك بنختم حفلة انتهاك حرمتها".
محاسبة المسئول عن تسريب الفيديو
وناشد النشطاء بضرورة اتخاذ كافة الإجراءات القانونية، لمن تسبب في انتهاك حرمة الموتي، قائلين "المهزلة اللي حصلت من مستشفى الدولي في المنصورة بانتهاك صارخ لحرمة الميت
دي لازم نقف عندها ولازم تتحاسب الممرضة المتخلفة اللي عملت كده لازم اللي غلط يتحاسب وياخد على دماغه ودماغ أهله عشان متتكررش تاني ده لا دين ولا منطق يرضى بده لنا الله في القرف اللي بنشوفه ده".
تحرير محضر
قال خالد عبد الرحمن محامي أسرة نيرة أشرف ضحية القتل على يد محمد عادل زميلها بكلية الآداب جامعة المنصورة، إنه حرر محضر بشأن الفيديو المتداول لجثمان نيرة وإصاباتها.
وكشف محامي نيرة عن فتح التحقيق الفوري بشأن الفيديو المتداول وتم التحقيق مع مدير المستشفى الدولي ومدير مستشفى المنصورة العام القديم، وقال محامي نيرة إنه طالب بعزل مدير المستشفى واتخاذ الإجراءات القانونية مع مصوري ومروجي الفيديو.
وفي وقت سابق، أصدرت محكمة جنايات المنصورة، برئاسة المستشار بهاء الدين المري، حكمًا بإعدام محمد عادل، طالب بكلية الآداب جامعة المنصورة، وذلك بعد قتله زميلته نيرة أشرف، أثناء توجهها لأداء الامتحانات بالكلية، وذلك بعد موافقة وتصديق مفتي الجمهورية.
