حمو بيكا يفتح النار على نقابة الموسيقيين
حمو بيكا يفتح النار على نقابة الموسيقيين: "جايين عليا عشان غلبان"
كشف مؤدى المهرجانات حمو بيكا أن هناك عدد كبير من مطربي المهرجانات يقيمون حفلات بالساحل الشمالي رغم عدم حصولهم على تصاريح من نقابة المهن الموسيقية.
وأضاف خلال مكالمة هاتفية مع الإعلامية أميرة بدر في برنامج “ الترابيزة” قائلا:" مسلم وريشا كوستا وسمارة وأبو ليلة، يعملون دون تصاريح والنقابة سيباهم، علشان أنا غلبان ومش عارف أخد حقي الناس جايين عليا.
حمو بيكا: بيهددوني
تابعت: بيهددوني أنهم هيحبسوني لو اتكلمت لكن أنا مش بخاف، وفي ناس زى كتير كده وخايفين يتكلموا.
مصطفى كامل: أطالب جهاز الرقابة الإدارية بالتدخل في النقابة
كما علق المطرب مصطفى كامل على هذا الأمر مطالبًا الرئيس عبد الفتاح السيسي بتدخل جهاز الرقابة الإدارية في نقابة المهن الموسيقية لكشف الفساد.
أضاف:" لو جهاز الرقابة الإدارية دخل النقابة هيطلع بلاوى، والكلام ده على مسئوليتي.
تابع:" إحنا في مصيبة يا جماعة.. إيه اللي بيحصل ده وأنا مش بدافع عن بيكا وعمري ما شفته، في مطرب شاب كلمني قالي عايزك تساعدني أخد تصريح من النقابة وأنا فترة التجنيد قلتله مش هقدر اعملك حاجه ثم بعد ٢٥ وجدته حاصل على التصريح.
مصطفى كامل: لا أفضل الظهور بكثرة في البرامج التليفزيونية
وأكد المطرب مصطفى كامل أنه لا يحب كثرة الظهور في البرامج التلفزيونية وذلك بسبب أنه لا يحب الضوضاء وإثارة الجدل على المواقع، قائلا: مش بحب الظهور الكتير، الفنان ما ينفعش يكون بغبغان، وأنا معروف عني أني مش من الفنانين بتوع الضوضاء.
وتابع "ما ينفعش الفنان يكون بغبغان، لازم يكون عنده حاجة جديدة يقولها علشان يوحش جمهوره، لكن أنا مش مختفي أنا تريند الفترة الأخيرة بألبوم عنوان الحياة، والحمد لله محقق نجاح كبير".
