"شوفت الويل".. التفاصيل الكاملة لتصريحات شيرين عبد الوهاب ضد حسام حبيب
في تصريحات لشيرين عبدالوهاب، أمس، في إحدى البرامج التلفزيونية، تحدثت عن علاقتها القديمة مع طليقها حسام حبيب، وتعرضها للأذى المادي والمعنوي بسببه.
- اعتذار للجمهور
بدأت المطربة شيرين عبدالوهاب حديثها بالاعتذار عن تحدثها في هذا الموضوع، قائلة: أنا أسفة أني بتكلم في موضوعي، الناس أكيد عندها مشاكل كبيرة وأهم مني، وموضوعي بوخ، بس الناس كانت شاهده من الأول، فعايزة أتأسف واستغفر ربنا على الكذب اللي كذبته عشان أجمل صورة إنسان.
- كنا شايفين الويل
تابعت شيرين قائله: أنا ست قاعدة مع بناتي بعد 4 سنين شايفين الويل، قلنا نسافر الساحل الشمالي ونرجع نتبسط، بناتي وأنا نفسيتنا تعبانه ومكناش عايشين تقريبًا، وكنت مع زوج مبيشتغلش ومبيخرجش، كنت 24 ساعة في غرفة نومي، مبعملش حاجه قاعدة وبس، واخطأت في حق نفسي، بس سعيت احافظ على بيتي، لكن دا مكنش بيت كانت مصيدة فئران.
- سرق عربيتي
تلقيت إخطارًا بسرقة عربيتي وأنا في الساحل الشمالي، أنا كتبت العربية باسمه كحركة أصول علشان لما لجنة مرور توقفه ويطلع الرخص ميبانش أنه ماشي بعربية مراته، وقالي هعملك توكيل بالبيع عشان يضمن حقي، الواد حقاني مبيقبلش حاجه على نفسه، وفي الاخر طلع كله تمثيل.
- تفاصيل حلق شعرها
قالت شيرين أحنا اطلقنا لنا قصيت شعري طلاق بائن، وبعد ما هديت من الكارثة اللي حصلت حسيت اني لسه مش قادرة استغنى عنه واني بحبه وليه مديلوش فرصه تانيه، كنت بحبه وفكراه ابني مش جوزي، اهتميت بيه وعملت الاستوديو علشان شغله واشتريتله كل الاغاني اللي تعجبه بشيكات باسمي، وفي الاخر اتهمني اني تخنت وبقيت شبه أمي وهو عاوز واحده رفيعه يتباهى بيها قدام الناس.
- بصرف على بيته التاني
كنت متكفلة بمصاريف بيته التانى "بيت والدى حسام حبيب" طول عمره ما بيشتغلش، وأهله باصين لى فى كل حاجة، لو عملت أغنية ناجحة أمه هتقول اشمعنى ابنى، حسام حبيب عاطل بالوراثة، وتعرضت للضرب والشتم والإهانه منه.
وفي نوفمبر الماضي أعلنت شيرين وحسام حبيب انفصالهما، وظهرت شيرين للجمهور وهي حالقه لشعرها تمامًا وفي حالة زيادة في الوزن.
