ميدو يتسبب في مشادة كلامية بين لميس الحديدي ونقابة الأطباء على الهواء

وقعت مشادة كلامية بين الإعلامية لميس الحديدي، والدكتور خالد أمين عضو  لجنة آداب المهنة بنقابة الاطباء،  على أزمة أحمد حسام ميدو، حيث قالت الاعلامية الحديدي: “ممكن يكون استخدم ألفاظ قاسية، أو عمم لكن مواطن ومن حقه يشتكي وأكيد مش مختلق قصة، ومش كل واحد نختلف معاه نوديه النيابة”،  ليرد الأخير: "يروح يشتكي في النيابة".

مصير الشكوى في نقابة الأطباء مثل أخطاء الإهمال الطبي

لترد "الحديدي": خلال  تقديمها برنامج "كلمة أخيرة"، المذاع على فضائية "on"، مساء الأحد،: "هو كل حد يشتكي من جهة نوديه النيابة، كده الناس مش هتنطق، يروح النيابة ليه يشتكي هناك، إنت عارف كويس  أنو لو راح للنقابة كان هيبقى مصير الشكوى  زي أخطاء الإهمال الطبي، ومش هتوصل لحاجة" 

التعامل مع الأطباء يحدث بمنتهى الشدة

 وعقب "أمين": "ده مش حقيقي،  جهات التحقيق بتاخد  حق الناس ويتم التحقيق مع أطباء، ويتم التعامل معهم بمنتهى الشدة  وناس كتيرة حقها رجع ... إحنا عاوزين نكرس لدولة القانون  "

 وقاطعته  الحديدي مجددًا: "إيه علاقة الشكوى بدولة القانون ملهاش علاقة، ده مواطن عنده مشكلة"،  ليرد "أمين" قائلًا: هو  مقلش أنه راح ملقاش دكاترة، هو عاوز دكاترة كبار من نوع خاص".