مصطفى بكري عن واقعة باتمان حلوان: حكاية سخيفة أطلقها بهلوان (فيديو)

قال الإعلامي مصطفى بكري، إن حكاية سخيفة أطلقها بهلوان يدعي "باتمان حلوان"، معقبًا: "قال إيه، بيخلق ساحة للتنافس مكانها ميدان محطة حلوان، وحددوا يوم 13 أغسطس للتجمع في الميدان، واللي هتدور فيه حسب أفكارهم الشاذة معارك بين المتنافسين علي اللقب، واللي هيفوز بيه هو آخر واحد هيصمد في الميدان، هياخد لقب باتمان حلوان".

 إقرا أيضًا.. مصطفى بكري: شائعة القبض على المهندس إبراهيم محلب أطلقها الإخوان 

وأضاف" بكري" خلال تقديمه برنامج "حقائق وأسرار"، المذاع على فضائية  "صدى البلد"، مساء الخميس،:" بمجرد نشر الفكرة السخيفة علي مواقع التواصل، انضم ليها مئات الآلاف، إزاي ؟منعرفش، وكمان أيدها كتير من نجوم الفن والرياضة وشخصيات بارزة، وده اللي فتح الباب للموضوع السخيف يكبر بسرعة، ويصبح حديث المجتمعات والسوشيال ميديا خلال ساعات".

القبض علي4 من مروجي فكرة "باتمان حلوان"

وتساءل بكري عن الهدف من الدعوة بعيدا عن الألاعيب والأكاذيب اللي تم ترويجها، قائلًا:" "محدش يعرف، وده اللي خلي الأجهزة الأمنية تتحري عن اللي بيحصل، وتتتبع الموضوع من أوله، وتلقي القبض علي4 من مروجي الفكرة، واللي كان دورهم دعوة الناس وحشدهم للنزول لميدان حلوان في اليومين المذكورين"

 قصة "باتمان حلوان" تؤكد أهمية يقظة المواطنين وعدم انسياقهم خلف الشائعات

وأوضح أن كل ذلك وغيرها من سلوكيات وشائعات تؤكد أهمية يقظة المواطنين وعدم انسياقهم خلف الشائعات والدعوات المريبة، لأني اللي فشلوا في كسر ارادة الشعب المصري عام 2013، مش هيبطلوا يستخدموا كل السبل للوصول لأهدافهم المريبة.