"أخلاقه عالية ومستحيل يعمل كده".. أغرب تصريحات جيران قاتل فتاة المنصورة

‏بعد أن قام طالب جامعي في كلية آداب جامعة المنصوره بذبح زميلته أمام بوابة الكلية، تمكنت قوات الشرطة من القبض على محمد عادل محمد إسماعيل الطالب بكلية آداب جامعة المنصورة وجارٍ الآن التحقيقات معه.

 جيران المتهم بقتل طالبة آداب المنصورة

وقال جيران المتهم بقتل طالبة آداب المنصورة: " كان شاب كويس وانطوائي وعمره ما كان بيختلط بحد ولا له علاقة بأي حد".

محترم ومستحيل يعمل كده

وفي تصريحات خاصة لـ "الفجر"، أضاف أحد سكان المنطقة: "محمد يتيم الأب وله شقيقتين في كلية الطب وهو أصغر إخواته وكان في كلية آداب ومالوش أصحاب خالص ولا كنت بنشوفه يتكلم مع حد حتي من الجيران، طول الوقت لوحده، وكان بيشتغل في مكان كويس عشان يساعد في المصاريف".

وأكمل الجيران في حالة استنكار: "أخلاقه عالية ومستغربين إزاي يعمل كده، وكان دايما بيصلي وعارف ربنا كويس جدا ومتفوق دراسيا ومسمعناش عنه أي سوء قبل كده، لكن من 4 شهور حصلت مشكلة بينه وبين البنت دي وكان متعلق بها جدا وتقدم لخطبتها واترفض وحصل بينهم خلافات كتير وصلت للمحاضر".

وأردف جاره قائلًا: "أهل الفتاة جاءوا منذ شهر وكان معهم بلطجية عشان يضربوه وأهالي المنطقة تدخلوا وفضوا الخلاف منعًا لوقوع أي مشاكل".

وسيطرت حالة من القلق على أهالي منطقة شارع عبدالشافي بالمحلة الكبرى حيث يسكن الشاب بعدما سمعوا الخبر مستنكرين هذه الفعلة، خاصة وأن الشاب جارهم منذ ولادته حتي اليوم، وفي ذات السياق ألقوا اللوم عليه لما قام به وقالت إحدى الجيران: "مفيش حاجة تستحق إنه يقتلها وأيا كان الخلاف بينهم كان هيتحل، اللي عمله محمد دا خسره دنيته وآخرته".