فيها حاجة حلوة.. قبطي يوزع التمر لإفطار الصائمين بالمنيا (فيديو وصور)

«كلنا إخوات مفيش فرق بين مسلم ومسيحي إحنا كلنا بنقف مع بعض من غير ما نعرف انتماء كل شخص».. هكذا بدأ «مينا عصام نسيم»، ابن مركز ملوي بالمنيا والذي اعتاد خلال شهر رمضان  توزيع " بلح  وسوبيا وتمر"  على الصائمين بالشوارع قُبيل آذان المغرب كل يوم. 

لمشاهدة الفيديو: قبطي يجهز التمر لإفطار الصائمين بالمنيا|إضغط هنا

تمر وبلح وسوبيا

وأضاف مينا أنه دائما خلال شهر رمضان يحرص على توزيع " تمر وبلح وسوبيا" على المارة في الشارع وقت الإفطار من أجل مساعدة الصائمين في كسر صيامهم لأننا إخوات وأشقاء وكلنا مصريين معقبا "احنا بنعمل ده حبا لبعضنا لأننا شعب واحد".

هي دي مصر 

وأشار «مينا عصام نسيم»، "في مصر نساعد بعضنا من غير ما نعرف إذا كان الشخص مسلم أو مسيحي وده ظهر بشكل قوي خلال أزمة فيروس كورونا المستجد من نوع كوفيد 19 كنا جميعا نقف مع بعض دون ما نعرف الانتماء الديني لكل شخص معقبا "هي دي مصر.. الشعب كله إخوات ومش بيسيب بعض ".