تعرف على أبرز القضايا التي تشغل أولياء الأمور في التعليم الفترة الحالية

وجهت عبير أحمد، مؤسس ائتلاف أولياء أمور المدارس الخاصة، واتحاد أمهات مصر للنهوض بالتعليم، منشور لأولياء الأمور تضمن: "إيه الموضوعات اللي بتشغلكم أكتر وحابينا نتكلم فيها ونطرحها.. لو في موضوع معين ياريت تكتبوه في تعليق‏".

وتفاعل أولياء الأمور على صفحتي اتحاد أمهات مصر وائتلاف أولياء أمور المدارس الخاصة، حيث قالت ولي أمر: "موضوع سنه رابعة ابتدائي وتعديل جدول الامتحان، نتمني يكون في تغيير".

وأضافت ولي أمر: "ياريت لو أمكن نتكلم في موضوع الكتب الإجباري اللى بندفعها فالمدرسة واحنا مش مستفيدين بيها اصلا، كل شغلنا كتب خارجية"، وتابعت ولي أمر أخري: "نتكلم عن جعل الوحدة الأخيرة للإطلاع خصوصا وأننا داخلين على شهر رمضان مفيش وقت للمذاكرة والإمتحانات هاتكون خلاص قربت".

وتابعت أخرى: "ياريت المواد التي لا تضاف للمجموع يتم امتحانها من قبل المدرسة قبل بداية الإمتحانات"، تستكمل ولي أمر أخري: "تخفيف المناهج للترم التانى وخصوصا الشهاده الإعدادية مفيش وقت خالص وكمان الكمبيوتر والرسم ميبقوش مواد نجاح وسقوط".

وذكرت ولي أمر: "نتمنى نتكلم ونهتم بالثانوية العامة شوية الفترة دى وامتحاناتهم والمراجعات، وإذا كان الامتحان ورقى أو على التابلت عشان كل يوم برأى مختلف ونتمنى ربنا يوفقنا جميعا يارب".

وأضافت ولي أمر: "نتمني نهتم شوية ونحسن من طريقة التعليم شوية، التعليم في مصر 90% منه نظري مفيش اهتمام بمهارات الطالب نفسه، ننمي قدراته مع إن ده لو حصل وكل طالب تخصص في الحاجه اللي بيحبها كل طالب هيبدع لأن المناهج مش مناسبه لكل الطلاب وكل طالب عنده قدرات مختلفه يجب علي الدوله اكتشافها وتنميتها".