حمادة هلال: معنديش منافس.. وحمو بيكا لو ركز في التمثيل هيكون زي طلعت زكريا

كشف الفنان حمادة هلال، حقيقة تعاونه مع حمو بيكا مؤدي المهرجانات، بعدما أشيع خلال الفترة الماضية أنه سيجمعها عمل فني، بعدما ظهر حمادة مع حمو في مقطع فيديو، كما قدم نصيحته لحمو بيكا.

وأكد هلال  خلال استضافتة في برنامج "حبر سري" الذي تقدمة الإعلامية أسما إبراهيم على شاشة “القاهرة والناس”: "مفيش تعاون ولا أي حاجة، أنا بحب حمو بيكا جدا وبحب خفة دمه هو دخل بيهزر وفاتح فيديو وبيقول لي أغنية مش هقول للراجل لأ، وأنا شايف إن حمو بيكا لو ركز في التمثيل هينجح جدا، وهيكون زي الراحل طلعت زكريا الله يرحمه، واللي كنت بعشقه".

وقال خلال الحلقة إنه لا يوجد له منافس، في الوقت الحالي، مضيفا "أنا معنديش منافس، لأن في كذا واحد بيخاف يعمل حاجات غريبة، ومنافستي الوحيدة مع حمادة هلال، لأني مش هركز مع غيري، ونمبر وان ده بتاع الناس.. والأحلى أن الناس تحطك في حتة لوحدك، والجرأة في إني ممكن أغني أغاني ملهاش علاقة ببعض".