ريهام سعيد توجه رسالة وداع وتكشف تعرضها للسحر: "هموت قريب"

وجهت الإعلامية ريهام سعيد رسالة مؤثرة لمتابعيها عبر صفحتها، مؤكدة على اتخاذها قرارا بالابتعاد عن السوشيال ميديا بسبب السحر.

وترصد “الفجر” في السطور التالية أبرز تصريحات ريهام سعيد:

نشرت الإعلامية ريهام سعيد فيديو عبر صحفته علي السوشيال ميديا، قائلة: "أقسم بالله كل حرف هكتبه صادق ومن قلبي، أنا حاسة إني هموت قريب، عشان كده هبعد عن السوشيال ميديا عشان أقعد مع أولادي أكتر وقت، يمكن سحر يمكن اكتئاب ويمكن حقيقي".

وتابعت: “غالبا إحساس الظلم كان بيقتلني بالبطئ، في يوم من الأيام الدنيا قامت عليا، تامر أمين يغلط في الصعايدة قاصد أو مش قاصد يتوقف 3 شهور، لكن أنا أعمل أكبر حملة للسمنة وأعالج آلاف وعمليات ببلاش ويفتروا عليّ، ويقولوا إني قلت إن ريحتهم وحشة وأتوقف سنة، كفاية إننا عالجنا أعداد مهولة من الشباب من المخدرات ورحت أماكن خطر جدا، عشان أوعي الناس بدل ما أتكرم ألاقي البرنامج يتوقف، لو فضلت أحكي هاحكي كتير بس أنا موجوعة ومش قادرة أحكي إنتوا ظالمين”

واستكملت: “عندي كلام كتير أقوله على كمية مواقف فيها ظلم رهيب، لو مت أنا مش مسامحة، مش مسامحة أي حد ساهم في خراب بيتي وضياع مجهود سنين، المهم إني أجهز للقاء ربنا أعوض الصيام وأصلي كتير وأتصدق وأدعي، كلمت ناس كتير يساعدوني أحقق حلمي وأمثل، مش عايزة أقولكوا الرد أنا عايزة أقولكوا إلى اللقاء يمكن لمًا أخف لو عيانة يمكن لما أتعالج من السحر”.

واختتمت: "ما توجعوش حد تاني، إحساس الظلم مميت، حقي عندك يا رب، في الآخر السيرة أهم من السمع، بعد ما أموت ماتقولوش دي بتمثل إنها ماتت زي ما كل مرة، الصحفيين كانوا بيطلعوني كدابة، حسبي الله ونعم الوكيل".