الرحالة أحمد السمان لميجا إف إم: كنت بحوش سنة كاملة علشان سفرية يوم واحد

‎

جاء أحمد السمان ضيفاً  في برنامج" الحياة تجارب" الذي يذاع علي ميجا اف ام و الذي يقدمه  محمد فهمي .

‎ 
وقال "السمان" خلال لقائه في البرنامج : "أنا خريج حقوق واشتغلت 7 سنين في شركة بترول وكنت بسافر وقتها مرة كل سنة بس سفريات عادية، لحد ما أدمنت السفر، وكنت بوفر فلوس في حاجات كتير عشان أوجد فلوس للسفر ، لدرجة إني كان ممكن أحوش سنة كاملة عشان سفرية كام يوم .

 وأضاف :" ‎مع أول سفرية بدات أكتشفت الثقافات المختلفة،وأول بلد روحتها كانت تايلاند في 2012 وكانت سفرية شهر العسل" .

وتابع: " ركبنا البوكس أنا ومراتي في تايلاند عشان الخاتم بتاعها ضاع، وقضينا شهر العسل في القسم، وفي الآخر طلعنا ناسيينه في مصر !، سافرنا بعد رجوعنا من شهر العسل ب20 يوم لتركيا، وسافرنا بفلوس النقطة" .

و ذكر :" عملت مفاجأة لمراتي في عيد ميلادها وبدلت سفرية لشرم الشيخ بسفرية أسبانيا، وخدت فلوس من صاحبي كان محوشها لتشطيب الشقة بتاعته، ومصاريف إقامة العشر أيام في ماليزيا تتراوح من 4 ألاف ل 6 آلاف جنيه".

و عن حلمه فهو سافر 45 دولة لحد دلوقتي، وعندي حلم أروح كل دول العالم.

و عن الصدف في حياته ، الصدفة جابتلي تأشيرة انجلترا، وكنت مسافر أعمل عملية لوالدتي بس اكتشفنا قبل السفر إنها ممكن تعمل العملية هنا في مصر، فوالدتي قعدت وسافرت أنا وزوجتي.

ووجه نصيحة بأن أي حد عايز يسافر بره يدور كتير على الإنترنت ويسأل على الشركة أو المكتب اللي هيسفره لأن منهم كتير فاقدين للمصداقية و مع كل سفرية كنت برجع منها ماكنتش بفكر غير في السفرية اللي بعدها، وأخدت سُلفة من الشركة وقروض من البنوك وبقيت مديون عشان أمول سفريات، 
و عملت صفحة على  الفيسبوك عشان أوثق فيها تفاصيل رحلاتي، وكان هدفي منها في البداية إني أعمل تأريخ لنفسي لذكريات السفر" .

قررت أسيب شغلي واشتغل في مجال السياحة عشان ألاقي نفسي وأطور من الحاجة اللي بحبها جنب اعتمادي علي السوشيال ميديا .

سافرت من تركيا لروسيا بالاسكوتر، وقطعت 8 أيام

المتابعين للصفحة بتاعتي طلبوا مني تنظيم رحلة جماعية، وطلعنا رحلة 10 أفراد وابتديت أركز مع تنظيم الرحلات الجماعية. 
‎

لو أول مرة تسافر ابدأ بدولة مش 
محتاجة تأشيرة أو تأشيرتها 
بتطلع بسهولة زي سريلانكا، تاشيرتها ب35 دولار، أو نيبال 
وممكن جزر المالديف.

في خطأ شائع إن جزر المالديف لشهر العسل بس، وروحتها أنا ومجموعة من أصدقائي وكلنا استمتعنا بيها.

تذاكر الطيران زي أسهم البورصة، وعشان تجيب تذكرة بسعر أرخص حاول تحجز تذكرتك من قبلها بمدة كبيرة وليكن شهرين، ودور على تذاكر من المطارات الفرعية بعيدأ عن العواصم