وصول طفل "ذا فويس كيدز" للمحكمة لمحاكمته بتهمة الشروع في القتل

وصل منذ قليل الطفل معاذ محمد، نجم ذا فويس كيدز إلى مقر محكمة الطفل المنعقدة بالأميرية وسط حراسة أمنية مشددة، لنظر أولى جلسات محاكمته لاتهامه بالشروع في قتل الطفل حسن، بمفتاح استقر داخل رأسه بمنطقة حلوان. 

وفي وقت سابق، أمرت جهات التحقيق، حوادث حلوان الكلية إحالة القضية رقم 12829 لسنة 2021، المتهم فيها الطفل نجم ذا فويس كيدز، إلى محكمة جنايات الطفل، لاتهامه بالشروع فى قتل الطفل حسن شريف محسن بمفتاح استقر داخل رأسه بمنطقة حلوان.

وكشفت تحقيقات قضية رقم 12829 لسنة 2021 المعروفة إعلاميا بواقعة "نجم ذا فويس كيدز" والمتهم فيها الطفل معاذ محمد أحمد عيسى 14 سنة طالب في الصف الثالث الإعدادي، بالتعدي على الطفل حسن شريف محسن بمفتاح استقر داخل رأسه، وأنكر المتهم أمام رجال التحقيق اتهامات التعدي وإصابة المجني عليه بالمفتاح في رأسه وأنه كان يدافع نفسه على حد قوله وأن هذه المفاتيح كانت تخص بيته.

وتابع المتهم: “اللي حصل إنه يوم الاثنين 7 يونيو 2021 كان آخر يوم في امتحاناتى وكنت ماشي وقابلت واحد صاحب جراج جمبي اسمه جمال فهو قبل كده كان قلي السطح عالي هو كان بيهزر وأنا معرفش معنى الكلمه دي ايه، ويوم الواقعة هو كان واقف في الشارع قدام الجراج وأنا كنت واقف قدامه وطالع البيت ومعايا المفاتيح بتاعتي في إيدي، فأنا لما شوفته قولتله نفس الجملة اللي هو قالهالي السطح عالي”.

“وكان في نفس الوقت المدعو حسن شريف واقف قدام العمارة عندهم عشان احنا الاتنين ساكنين جمب بعض فلقيته بيقولي خد يالا تعالى هنا وأنت تقصد مين بالجملة دي فقولتله أنا بتكلم مع جمال مش بتكلم معاك مقصدكش، فلقيته زقني في صدري فقلت له نزل إيدك يا حسن وبعدين راح زقني تاني وكان معاه واحد صحبه أنا معرفوش، لقيته بيحاول يمسكني في الوقت اللي كان حسن بيزقني وأنا لقيت حسن ضربني بالبوكس في وشي في النضارة اللي كنت لابسها في عيني، العدسة بتاعتها اتكسرت وأنا نظري ضعيف وأنا مش بشوف من غير نضارة وبعد كده لقيته جاي يضربني بالروسية بدماغه في وشي فأنا حاولت أصد الضربة بإيدي اللي كان فيها المفاتيح”.

بالصدفة، "لقيت مفتاح منهم دخل في دماغه وأنا مكنتش أقصد إنه يتعور لأني كنت بصد ضربة الروسية بتاعته وبعدين جيت على القسم وجيت على هنا النهارده وهو ده اللي حصل".