سمية الخشاب لـ شيرين: محدش يستاهل تتخلي عن شعرك بسببه
تحدثت الفنانة سمية الخشاب، عن أزمة شيرين عبد الوهاب الأخيرة، وإثارتها الجدل بحلاقة شعرها.
وقالت “الخشاب” أثناء استضافتها في حلقة خاصة من برنامج “حبر سري”: “أنا اتصدمت من شيرين عبد الوهاب، لما شوفتها وهي حالقة شعرها؛ لأن زمان لما تقص شعرها كان بيكون جوزها مات في الحرب ف بتقص شعرها حزنا عليه، والتصرف دا ليه تفاسير نفسية كتير، وشيرين جميلة بشكلها واحساسها واحنا بنعشقها وهي قوية لأنها برج الميزان”.
وتابعت سمية قائلة: "ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب لغطة ومش علرفة هي رايحة فين وقراراتها صح ولا لا، في كل الأحوال محدش يستاهل تتخلي عن شعرك، دا أحنا بنقعد سنين عشان يطول".
وأضافت: “دي مش محنة، دي تجربة وعدت وشيرين هتستفاد منها واللي جاي أحلى من اللي فات، وربنا بيعمل الخير لينا، وأحنا بس اللي بنشوف عكس كدا، لأننا بنبص في إطار محدود، وأنا لا يمكن أعمل زيها، أصل عشان مين؟ محدش يستاهل”.
