بسبب سرطان الحنجرة.. العازف بفرقة محمد منير "عبد الله حلمي" يفقد صوته
فقد العازف الشهير عبد الله حلمي، الذي يعد من الأفراد الأساسيين في فرقة الكينج محمد منير، صوته نهائيًا، بعد معاناة لفترة طويلة مع سرطان الحنجرة.
وكشف الملحن أحمد طارق يحيى، تطورات الحالة الصحية لعبد الله حلمي، حيث كتب عبر صفحته الشخصية بموقع التواصل الاجتماعي "فيس بوك "اتربينا على أغاني محمد منير وكتير مننا راح حفلاته وناس كتير تعرف اللي في الصورة ده مين عبد الله حلمي".
وتابع: "أطيب وأشطر عازفين الكولة في الوطن العربي.. تاريخه كبير جدا ولعب مع مطربين كتير جدا وفي أغاني كلنا بنحبها وعمرنا ما شفناه وبجد دايما صوت آلته كانت دايما معايا في الهدوء والشجن وفي الفرح والخروج من أي مود كئيب".
وأضاف: "عبد الله ربنا وضعه في اختبار لظروف صحية فقد نعمة الكلام وبالتالي العزف على آلته. قد ايه صعب أن الواحد ما يعرفش يتكلم بس الأصعب أن عمره كله اللي أفناه في اتقان آلته اللي هي أكل عيشه.. يروح في لحظة منه".
وأختتم حديثة قائلا: "متأكد أن دي بداية لحاجات كتير عم عبد الله يقدر يعملها مش نهاية لطموحه وعزيمته ولكن اللي طالبه منكم انكم تردوا الجميل للراجل ده وتسألوا عليه وتزوروه كل اما تفتكروا وساعدوه بشكل معنوي وغير معنوي.. ممكن كلمة أو فكرة من حد ترفع روحه المعنوية".
