السيسي مقاطعا وزير الزراعة خلال حديثه: "أنت اللي بتستفزني".. فيديو

قاطع الرئيس عبدالفتاح السيسي، وزير الزراعة أثناء حديثه عن المشروع القومي لإحياء البتلو، قائلًا: "أنت اللي بتستفزني، أنا عايز أقولكم على حاجة، أنا قولت قبل كده اللي عنده رأس ماشية بتجيب 5-6 كيلو لبن، وبيأكلها نفس الأكل اللي بتاكله رأس أخرى تجيب 30 كيلو بيظلم نفسه قبل كل شيء".

وأضاف السيسي، خلال كلمته على هامش افتتاح التوسعات الجديدة والتطوير لمصنع كيما للأسمدة، اليوم الثلاثاء،: "إحنا قولنا هنحط في موضوع الماشية 15 مليار جنيه، ياجماعة اسمعونا يا مصريين يا أهل الريف إحنا مهوممين بيكم قوي، في بداية مشروع إحياء البتلو كانت الميزانية 2 مليار جنيه لما خلصوا قولتله ادي الناس تاني". 

ويشهد الرئيس عبد الفتاح السيسي،  افتتاح التوسعات الجديدة والتطوير لمصنع كيما للأسمدة.

وقال السفير بسام راضي، المتحدث الرسمي باسم رئاسة الجمهورية، إن الرئيس عبد الفتاح السيسي يتفقد صباح اليوم مصنع اليوريا ونترات الامونيا بمنطقة كيما بمحافظة اسوان، كما يقوم كذلك بتفقد محطة سكك حديد اسوان حيث يشهد تدشين الوحدات المتحركة الجديدة بمختلف انواعها من قاطرات وعربات السكك الحديدية.