"اتطلقت من الراجل ده".. والد ياسمين صبري ينشر صور من زواجها الأول (صور)
آثار أشرف صبري، والد الفنانة ياسمين صبري الجدل، من خلال مهاجمته ابنته عقب تصريحاتها في حلقتها مع الإعلامي أنس بوخش.
ونشر “صبري” بعض الصور من خطوبة ابنته الأولى، مما جعل الجمهور يتفاعل مع المنشور، من خلال خاصية التعليقات حيث قال البعض: “الأب الناقص رزق”.
وكتب أشرف صبري في منشوره عبر حسابه على موقع التواصل الاجتماعي “فيسبوك”، قائلا: "بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره، أصدقاؤنا كانوا بييجوا البيت بيشوفوها ولما كبرت جيبتلها عربية. ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي إزاي في كل مراحلها، وإزاي اتخطبت وعملتلها أجمل حفلة ودي صورها”.
وأضاف: “الكدب ده بيبرر بالنسبة لها سبب عدم حضورها فرح أخوها. ولو أب اهتم بفرح ابنه وزعلان إن اخواته ما جوش مش هيهتم ببنته؟ أنا عملت لها حياة كريمة راقية ومحترمة وماكنتش فاكر إن الرد هيكون كده، والسر اللي الناس ما تعرفوش إنها اتطلقت من الراجل المحترم الدكتور ده بسبب أمها، لإنه حكالي وقالي أمها خربت بيتنا”.
وتابع قائلا: “اتجوزت من ورايا ودون علمي بعد التربية اللي عملتهالها، وعشان كده انا مش معترف بجوازها اللي من ورا ضهري، حسبي الله ونعم الوكيل”.
ياسمين صبري من زواجها الأول
