تعرف على البرنامج اليومي لـ"أمهات مصر" مع أبنائهن خلال الدراسة

وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، سؤالا لأولياء الأمور حول البرنامج اليومي الذين وضعوه لأبنائهم خلال الدراسة، حتي يستفيد باقي أولياء الأمور.

وتفاعل العديد من الأمهات من أولياء الأمور علي صفحة إتحاد أمهات مصر، حيث قالت ولي أمر: "إن شاء الله نصحى ٧ نفطر ونلبس، ننزل للمدرسة ٨ إلا تلت، نرجع من المدرسة ٢ ونص نغير ونتغدى ونعمل الواجبات ونشوف بقى لو نذاكر شويه لغايه الساعة ٨ ونرتاح ويلعبو لغاية ٩ ندخل ننام".

وأضافت ولي أمر أخرى: "لما يرجعوا من المدرسة يرتاحوا ويتغدوا ويعملو واجباتهم وممكن بريك شويه ويرجعوا يكملوا وبعد كده يناموا الساعة 9 أو 10 بالكتير عشان يقدروا يركزوا"، وتابعت أخري: "ابنى الصبح يفطر ويروح المدرسة يرجع ينام ساعه ويقوم يذاكر".

وذكرت ولي أمر: "بعد الرجوع يتغدى وينام ساعة وبعدين يصحى، طبق فاكهة صحى أو خضار، وبعدين يكتب واجباته ويريح ساعة، وبعدين نراجع معه اللى أخذه أول بأول عشان مينساش".

بينما قالت ولي أمر: "أنا وضعي مختلف عن أي أم، أنا عندي طفلين سكريين محتاجه ترتيب خاص جدا، ونفس الوقت خايفه أنزلهم علشان كثافة العدد في الفصل كتيره، وبرضو مش هينفع يفضلوا في البيت، أنا في معاناة ربنا وحده يعلم بيها، عام سعيد للجميع بالتوفيق والنجاح يارب".