أميرة عبيد: "كل البيوت فيها مشاكل.. ودورنا تقديم إعلام هادف" (فيديو)
قالت الإعلامية أميرة عبيد، إن كل البيوت فيها مشكلات، ودور الإعلاميين تقديم إعلام هادف وليس توزيع طاقة سلبية، موضحة "أنا دوري هنا تعمير البيوت مش خرابها، بدليل إن كلنا عندنا مشاكل في بيوتنا بس مينفعش اطلع أوزع على الناس طاقتي السلبية بسب مشاكلي الشخصية".
وأضافت عبيد خلال تقديم برنامج "هي وهما" على قناة الحدث اليوم: "إحنا بنطلع نحل مشاكل الناس، ياما منطلعش خلاص الناس، مش ناقصة شحن سلبي، وهرجع وهقول تاني ياريت كل واحدة جوزها صعب معاها أو عندو بعض الصفات السيئة ياريت تحتفظ بمشاكلها لنفسها، متروحيش عند صحبتك اللي جوزها كويس معاها، وتفضلي تشحنيها علشان تبقى زيك، ده غلط وميصحش".
وتابعت أن الدليل على ما سبق، قيام الطبيب بعلاج المريض وإعطائه الأمل والعلاج حتى وإن كانت حالته ميئوس منها، ببساطة كده مفيش مريض بيروح لدكتور وبيقوله أنت هتموت بكرة، دايما الدكتور بيطمن المريض قبل العلاج، حتى ولو كانت حالته وحشة، أظن رسالتي وصلت".
