ننشر الاعترافات التفصيلية للمتهم الثالث في قتل فتاة المول بالبحيرة
حصلت بوابة "الفجر" علي نص اعترافات المتهم الثالث "محمد.ع.ج " 19 عاما، عامل، والمتهم في قضية قتل "نجلاء" المعروفة إعلاميا بـ"فتاة المول" بمدينة كفرالدوار بمحافظة البحيرة، والتي حددت محكمة استئناف الإسكندرية جلسة 6 أكتوبر 2021 لنظر أولى جلسات محاكمة المتهمين.
وجاءت نص الاعترافات على النحو التالي:
س ما قولك فيما هو منسوب اليك من انك متهم واخرين بقتل المجني عليها " نجلاء نعمة الله سعيد"، مع سبق الإصرار والترصد بأن بيتم النية وعقدتم العزم على ازهاق روحها واعددتم لذلك الأسلحة والأدوات المضبوطة وتوجهت لمحل عملها بعد ان ايقنتم سلفا بتواجدها فيه بمفردها وقمتم بخنقها وكتم انفاسها وشل حركتها متعدين عليها بالضرب محدثین ما بها من اصابات مما اودي بحياتها علي النحو المبين بالتحقيقات؟
ج محصلش انا مكنتش رايح اقتلها ومعرفش بالموضوع غير هناك.
س ما قولك فيما هو منسوب اليك من انك متهم بسرقة المنقولات والمبالغ الماليه المبينه وصفا وقدرا بالاوراق والمملوكه للمتوفاه الي رحمة مولاها كرها عنها بالاشتراك واخرين حال حملكم اسلحه علي النحو المبين بالتحقيقات؟
ج محصلش انا مشيت وسبتهم.
س ما قولك فيما هو منسوب اليك من انك متهم باحراز وحيازة أسلحة بيضاء (مقص ،سكين ،كتر) دون مسوغ من الضروره المهنية والحرفيه بقصد استعاملها في ارتكاب الجريمتين محل الاتهامين السابقين علي النحو المبين بالتحقيقات؟
ج محصلش انا لقيت الحاجات دي هناك.
س ما قولك فيما هو منسوب اليك من انك متهم باتلاف الكاميرا المملوكه للمجني عليها عبد الحميد محمد عبد الحميد عمدا وترتب على ذلك ضررا ماليا قيمته اكثر من خمسين جنيه؟
ج محصلش انا كنت مشيت.
س انت متهم بدخول عقار بقصد ارتكاب جريمه فيه ؟
ج ايوه كنت رايح علي اساس هنرجع حاجة نورهان.
س ما الذي حدث يوم الجريمة؟
ج ماكنتش اعرف حاجة وبعد شوية جالي رسالة من نورهان ومصطفي شدني وطلعنا على فوق وقالي متخافش انت حتقف عند الباب بس وانا اللي حعمل كل حاجة ونورهان حتوقف نجلاء ضهرها لنا في الحمام ومش حتشوفنا وفعلا طلعنا وانا كنت خايف ودخلنا العيادة ومصطفى راح علطول على الحمام وكتم صوت نجلاء وانا كنت لسة عند الباب فقفلت الباب بتاع العيادة ودخلت جري لاقيت مصطفي كاتم نفسها واخدت اللزق وحاولت احطه على بقها عشان متصوطش وساعتها نجلاء خربشتني في رقبتي من الناحيتين بايديها وانا خفت ورميت اللزق وطلعت اجری ومعرفتش ايه اللي حصل وفضلت قاعد في البيت لحد ما المباحث جات واخدتني.
س ومتى تكونت لديكم نية القتل؟
ج انا مكنتش اعرف حاجة عن القتل واول مرة احس بخوف لما مصطفي قالي العصير والمنوم.
س وما علاقتك بالمدعوة نورهان جميل وهل من خلافات؟
ج هي قريبتي من بعيد وفي البلد اللي جنبنا.
س وما الذي حدث عقب ذلك؟
ج أول لما رحت لاقيته قاعد عند المول من ناحية الترعة بتاعة المحمودية وبعد شويه جاله تليفون من نورهان وقام اتكلم بعيد عني ولما رجع قالي ان البنت اللي سرقاها مش عايزة تشرب العصير اللي فيه المنوم انا ساعتها قلقت وخفت وقولت انا ماليش دعوي قالي متخافش كدة كدة نورهان حتغفل البت وتخلي ضهرها لينا وهي مش حتشوفنا وحناخد الحاجة ونمشي وفعلا بعد شوية جاتله رساله من نورهان راح شاددني وطلعنا على العيادة وسبقني هو ودخل وانا قفلت الباب ورايا ودخلت كان هو ماسك نجلاء من ضهرها وكاتم بقها وفجاه لاقيتة وقع على ضهره وهو معاها وشاورلي على اللزق وانا حاولت اكتم بقها باللزق بس هي كانت بتقاوم وبتصرخ وراحت مخربشاني ومعوراني في رقبتي انا خفت ساعتها رحت سايبهم وسايب العيادة وطلعت اجري.
س وهل المتهم مصطفى على علم بخلاف المجني عليها والمتهمة؟
ج أيوة.
س وما سبب اشتراك المتهم مصطفى في تلك الواقعة؟
ج هو جار نورهان وقريبها وهو اللي عرض عليا الموضوع ده.
س وهل قمتم بالتقابل فيما بينكم جميعا؟
ج لا أنا ومصطفي كنا اتقابلنا لوحدنا وهو ونورهان كانوا بيتقابلوا لوحدهم.
س وما مضمون الاتفاق الذي تم فيما بينكم؟
ج ان احنا نرجع حاجة نورهان وانا ومصطفي حنستفيد بالفلوس والحاجات اللي حناخدها من فوق.
س وما هي الأعمال التحضيرية والموعد المتفق عليه لتنفيذ ذلك؟
ج انا محضرتش اي حاجة انا مصطفي حكالي يوم الاحد ويوم الثلاثاء قابلته عند المول وشدني بعد المكالمة والرسالة التي جاتله من نورهان.
س وما سبب اختياركم لذلك الموعد؟
ج معرفش.
س ومن منكم قام بوضع تلك الخطة وتحديد الأدوات المستخدمه وكذا الأدوار فيما بينكم الازهاق روح المجني عليها نجلاء نعمة الله سعيد؟
ج انا معرفش حاجة عن الموضوع ده غير يوم الثلاثاء لما مصطفي قابلني لان يوم الأحد مكملناش كلامنا انا ومصطفى.
س ما قولك فيما قررته المتهمة نورهان جميل بتحقيقات النيابة العامة من قيامك بمعاونتهما بكتم انفاس وازهاق روح المتوفاه الي رحمة مولاها؟
ج محصلش انا حاولت احط اللاصق ولما اتخربشت جريت.
س ما تعليلك لما قررته سالفة الذكر؟
ج ماعرفش.
س ما سبب دلوفك لمحل الواقعة اذا عقب علمك بحيازة المتهمين لاسلحة بيضاء وانتوائهم استخدامها بالواقعة؟
ج انا اتفاجئت قبلها علطول.
سهل ارغمك احد علي الاشتراك بالواقعة عقب علمك بذلك؟
ج لا.
سهل أبصرت المتهم مصطفی حال قيامه بتكميم المتوفاه الي رحمه مولاها وخنقه لها محاولا ازهاق روحها؟
جايوة.
س وما علاقتك بالأحراز التي تم عرضها عليك؟
جهو اللاصق دا اللي كنا اخدينه معانا ودي الهدوم اللي كانت لبساها نورهان والمطواه دي بتاعة مصطفي ومعرفش حاجه عن بقية الحاجات.
سما الذي حدث عقب ذلك؟
ج انا روحت واتفاجئت بالمباحث جت مسكتني من البيت.
س متي تم ضبطك تحديدا؟
ج یوم القتل بعد نص الليل معرفش الساعه كام.
س ومن القائم بضبطك؟
ج معرفش اللي مسكوني.
س هل من ثمة تفتيش انصرف الي شخصك او مسكنك انذاك؟
ج ايوة.
س ما الذي اسفر عنه ذلك التفتيش؟
ج ملقوش معايا حاجه.
س وما طبيعة علاقتك بالرائد أحمد المسيري وهل من خلافات؟
ج مفيش علاقه ولا خلافات.
سما قولك فيما سطره سالف الذكر بمحضر تحرياته المؤرخ من ضبطك والمتهمان مصطفي خميس عبد النبي محمد، نورهان الجميل وارشادك عن الأدوات المستخدمة في ارتكاب الواقعة واقرارکم بارتكاب الواقعة؟
ج الكلام دا محصلش.
س ما تعليلقك لما سطره سالف الذكر من ضبط مبلغ الف جنيه ونصل كتر حوزتك؟
ج الكلام دا محصلش انا جريت ومخدتش حاجه.
س انت متهم واخرين بقتل المجني عليها نجلاء نعمة الله سعيد مع سبق الإصرار والترصد بأن بيتم النية وعقدتم العزم على ازهاق روحها واعددتم لذلك الاسلحة والأدوات المضبوطه وتوجهت لمحل عملها بعد ان ايقنتم سلفا بتواجدها فيه بمفردها وقمتم بخنقها وكتم انفاسها وشل حركتها متعدين عليها بالضرب محدثين ما بها من اصابات مما اودي بحياتها علي النحو المبين بالتحقيقات؟
ج مامحصلش.
س انت متهم بسرقة المنقولات والمبالغ الماليه المبينه وصفا وقدرا بالاوراق والمملوکه للمتوفاه الي رحمة مولاها كرها عنها بالاشتراك واخرين حال حملكم اسلحه علي النحو المبين بالتحقيقات؟
ج محصلش.
س انت متهم باحراز وحيازة أسلحة بيضاء (مقص،سکین، کتر) دون مسوغ من الضروره المهنية والحرفيه بقصد استعاملها في ارتكاب الجريمتين محل الاتهامين السابقين علي النحو المبين بالتحقيقات؟
ج محصلش
س انت متهم باتلاف الكاميرا المملوكة للمجني عليها عبد الحميد محمد عبد الحميد عمدا وترتب على ذلك ضررا ماليا قيمته اكثر من خمسين جنيه؟
ج محصلش.
س هل لديك اقوال اخري؟
ج لا
