ننشر الاعترافات التفصيلية للمتهم الثاني بقتل فتاة المول في البحيرة
حصلت بوابة "الفجر" على نص اعترافات المتهم الثاني "مصطفي ع.و" 17 عامًا، عامل، والمتهم في قضية قتل "نجلاء" المعروفة إعلاميا بـ"فتاة المول" بمدينة كفر الدوار بمحافظة البحيرة، والتي حددت محكمة استئناف الإسكندرية جلسة 6 أكتوبر 2021 لنظر أولى جلسات محاكمة المتهمين.
وجاءت نص الاعترافات على النحو التالي:
س ما تفصیلات اعترافك؟
ج اللي حصل ان في يوم في شهر يونيو اللي فات اتصلت عليا نورهان جميل وقالتلي انها عايزاني في موضوع وهي قريبتي من بعيد ولما حكتلي قالتلي ان في واحدة زميلتها سرقت منها سلسلة وحاجات ومبددة عليها في شوية حاجات وعشان هي قريبتي وانا عايز اساعدها قولتلها خلاص انا معاكي لحد ما نجيب الحاجة دي وساعتها هي بعتتلي صورة نجلاء على الواتس اب بس الصورة ما كنتش واضحة وانا بعتلها اسم برشام منوم ابويا بياخدة وهي راحت اشترته وبعدها انا رحت العيادة اللي نجلاء شغالة فيها عشان اتاكد من شكلها رحت مرتين شوفتها مرة تحت المول ومرة شوفتها جوة العيادة وعملت نفسى بسال على الدكتور وانا كنت عارف انه مش بيروح العيادة اليوم دة وانا عرفت كدة من نورهان وساعتها انا شفت العيادة من جوة وقولت لنورهان الكلام دة وخلاص نحدد ميعاد تاني ونطلع نجيبها بعد ما انتي تخدريها وناخدها في توك توك لمكان بعيد ونخلص عليها ونجيب الحاجة اللي سرقتها منك وساعتها سواق التوك توك رفض وبلغت نورهان ولغينا التنفيذ اليوم ده وبعدها قعدنا شوية معملناش حاجة وهي راحت المصيف مع ابوهلا وكلمتني، وقابلتها في البحر وقالتلي انه خلاص لازم نخلص الموضوع ده قولتلها ماشي شوفي اليوم اللي الدكتور مش حيروح فيه العيادة ونروح نخلص الموضوع قالتلي ماشي وقالت ان الدكتور مش حيروح يوم الثلاثاء وقولتلها ان انا حجيب واحد معانا اسمه محمد عشماوي وهو قريبنا احنا الاتنين من بعيد عشان يساعدنا وساعتها هي قالتلي ماشي ولو محمد عايز فلوس عشان يخلص معانا الموضوع ده هي موافقة وحتدفعله بس اهم حاجة ان محمد ميعرفش ان نورهان اللي في الموضوع قولتلها ماشي وجابت البرشام ومقص وموس ولزق طبي وصامولة وعصير وقولتلها حطيلها برشامتين ثلاثة في اي حاجة وشربهلها وبعديها اتصلي بیا وانا ساعتها كنت واقف تحت المول انا ومحمد وساعتها رنت عليا وقالتلي انا مش حعرف اشربها العصير اللي فيه البرشام عشان هي شاربة عصير كتيروساعتها نورهان قالتلي انها عندها حل آنها حتروح الحمام وتعمل نفسها تعبانة وتنادي على نجلاء وساعتها انا ومحمد نقدر نخش العيادة وشوية ورنت عليا وقالتلي اطلع بسرعة طلعت انا ومحمد وساعتها كانت نجلاء عطياني ضهرها وانا كنت واخد من نورهان اللزق والموس ودخلت من ضهرها وكتمت بقها صرخت ومقدرتش عليها ومحمد كان دخل وقفل باب العيادة من برة ودخل محمد وحاول يحط اللزق على بقها ويكتم نفسها وهي بتصرخ وخربشت محمد وكانت واقعة على الارض وبتطلع في الروح لان انا ومحمد كنا كاتمين نفسها ولما محمد اتعور خاف وطلع يجري وسابنا وانا لسة خانقها وبخبط راسها في الأرض وساعتها نورهان كانت بتضربها برجلها ونورهان راحت جابت سكينة من مطبخ العيادة وضربتها بالسكينة في رجلها وضربة في دماغها واديتها بالرجل في راسها وبعدها أخدنا الحاجة وانا كنت لابس تيشيرت اصفر جه عليه دم رحت غسلته وبعدها كسرت الكاميرات اللي موجودة في المكان بصاموله حديد كانت مع نورهان في شنطتها ونورهان بدات تقطع الأسلاك بتاعة الكاميرات بمقص كان معاها وانا خلعت كاميرا منهم وعطتها لنورهان واخدنا الحاجة التليفونين والسلسلة وثلاثمائة جنيه والساعة والخاتم وبعد ما نزلنا من على السلم كل واحد فينا مشي من طريق وكلمتني على التليفون وقابلتها عطتني الف جنيه وبعدين اتصلت بيا تاني في نفس اليوم واخدت مني الالف جنية والسلسلة وسابتلي التليفونين والساعة وده كان على رصيف محطة القطر في كفر الدوار.
س ومتى تكونت لديكم نية القتل؟
ج من اول ما نورهان بلغتني ان نجلاء مزعلاها وواخدة منها دهب.
س وما علاقتك بالمدعوة نورهان جميل وهل من خلافات؟
ج هي قريبتي وجارتي في البلد والشارع.
س ومتى تم اول اتصال فيما بينكم؟
ج هو كان في شهر يونيو بس مش فاكر امتی بالظبط.
س وما هي كيفية الاتصال فيما بينكم؟
ج كانت ساعات بتكلمني على التليفون وساعات رسائل على الواتس اب.
س وهل دار فيما بينكم ثمة حوار؟
ج ايوة.
س وما تفصيلات ذلك الحوار؟
ج الأول كانت بتقولي ان نجلاء سرقتها ومزعلاها وهي لازم تجيب الحاجات دي وتاخد حقها منها وتقتلها وبعد كده بدانا نتكلم في ازاي حنفذ الموضوع.
س وما الذي حدث عقب ذلك؟
ج أول حاجة انا قولتلها انها تشتري نوع برشام انا والدي بياخده كمنوم وبعتلها صورته على الواتس اب وفكرنا الاول ان هي تنزلها من العيادة وهي معاها واكون انا مستنيها في توكتوك بس الحكاية دي ما تمتش عشان سواق التوكتوك رفض ينفذ معانا وانا بلغت نورهان أن السواق بتاع التوكتوك رفض وبعد كده اتفقنا على دخول العيادة في وقت الدكتور ما يكنش موجود فيه وساعتها قولتلها على حكاية أن محمد عشماوي حجيبه معانا وانا كنت اتفقت معاه على اني حدفعله خمسمائة جنيه ونورهان جابت البرشام وحاجات تانية زي موس ومقص ولزق طبي وصامولة وكانت في شنطتها لحد ما اتفقنا على الميعاد وقابلتها تحت المول واخدت منها الموس واللزق الطبي وهي طلعت ومعاها باقية الحاجة ولما اتصلت بيا وهي فوق طلعت انا ومحمد على فوق.
س وما الاجراءات التي قمتم باتباعها لتنفيذ ذلك المخطط؟
ج الاول انا حاولت اكتم صوتها بايديا لحد ما محمد قفل باب العيادة وراه والي وحاولنا احنا الاتنين نكتم بقها باللزق الطبي بس هي كانت بتقاوم وبتصرخ وخربشت محمد وعورته في رقبته وساعتها محمد خاف وجري ونزل من العيادة وانا كتمت نفسها بايديا وخبطتها في الارض ثلاث خبطات بدماغها وكنت لسة كاتم نفسها وساعتها نورهان راحت على المطبخ بتاع العيادة وجابت سكينة وضربت نجلاء في رجلها ودماغها لحد ما اتاكدنا انها ماتت وساعتها نزلنا على السلالم وكل واحد مننا مشي في طريق مختلف بعد ما اخدنا الحاجة ومسحنا ايدينا والارض.
س وما هي الأدوات التي قمتم باعدادها لارتكاب تلك الواقعة؟
ج هي نورهان كانت جايبة البرشام والموس والمقص والصامولة الحديد واللزق الطبي.
س ومن القائم على شراء تلك الأدوات؟
ج انا بعت لنورهان صورة البرشام على الواتس اب وهي اللي جابت كل حاجة.
س ومن این تم التحصل عليها؟
جمعرفش.
س وهل تمكنتم من الوصول الى غرضكم انذاك؟
ج في المحاولة الاولي لا.
س وما الذي حال دون ذلك؟
ج لان سواق التوك توك رفض الاشتراك معانا.
س وما هو تاريخ تنفيذ الواقعة الأولى؟
ج من حوال شهر.
س وما الذي حدث عقب ذلك؟
ج هي نست شوية لحد ما في يوم اتصلت بيا وهي في البحر مع ابوها ورحتلها على هناك وقالتلي انها لازم تخلص الموضوع ده وتجيب حاجتها وتاخد حقها ونخلص على نجلاء.
س وما علاقتك بالمدعو محمد عشماوي جلال ؟
ج هو صاحبي ومفيش اي خلافات وفي قرابة من بعيد.
س وما علاقة المتهم نورهان جميل بسالف الذكر؟
ج هو قريبها برده من بعيد.
س وهل المتهم محمد عشماوي على علم بخلاف المجني عليها والمتهمة؟
ج لا ده انا اللي قولتله تعالى معانا بعد ما بلغت نورهان بكده واتفقت معاه على اني اديله مبلغ 500 جنيه بس هرب اول ما اتعور وسابنا ونزل من العيادة.
س وما سبب اشتراك المتهم محمد عشماوي في تلك الواقعة؟
ج انا اللي عرضت عليه الموضوع واتفقت معاه وحياخد فلوس مقابل الموضوع ده.
س وهل قمتم بالتقابل فيما بينكم جميعا؟
ج لا انا ومحمد كنا بنتقابل لوحدنا وانا ونورهان كنا اتقابلنا لوحدنا.
س وما مضمون الاتفاق الذي تم فيما بينكم؟
ج ان احنا نخلص على نجلاء ونرجع حاجة نورهان وانا ومحمد حنستفيد بالفلوس والحاجات اللي حناخدها من فوق.
س وما هي الأعمال التحضيرية والموعد المتفق عليه لتنفيذ ذلك؟ ج اتفقنا ان نورهان حتطلع العيادة لنجلاء وتقعد معاها وتشربها العصير اللي فيه المنوم وبعد كدة نطلع انا ومحمد نخلص لما هي تروح في غيبوبة بسبب العصير والمنوم بس لما هي ما رضتش تشرب العصير اتفقنا ان نورهان حتعمل نفسها تعبانة في الحمام وتنادي على نجلاء وساعتها حترن علينا ونطلع نخلص وناخد الحاجة.
س وما سبب اختياركم لذلك الموعد؟
ج عشان الدكتور مش موجود في التوقيت ده ونورهان هي اللي اختارت الميعاد.
س وما الدور المتفق عليه فيما بينكم لكلا منكم في ارتكاب تلك الواقعة؟
ج نورهان حتسحب نجلاء على الحمام بتاع العيادة بحجة انها تعبانة عشان نقدر نخش العيادة وانا ومحمد حنخش نخلص عليها وناخد الحاجة بتاعة نورهان وننزل.
س وما هي الأفعال المادية التي بدرت من كلا منكم في ارتكاب تلك الواقعة؟
ج انا اول ما دخلت العيادة كانت نجلاء عطياني ضهرها واول ما شافتني صرخت هجمت عليها وحاولت اكتم صوتها ونفسها وكان ساعتها محمد دخل العيادة وقفل الباب وراه وحاول يحط اللزق على بقها بس هي كانت بتصرخ وتقاوم وخربشته واتعور وخاف وهرب من العيادة ونزل وانا كنت كاتم نفسها وخبطها في الأرض ثلاث مرات في راسها
لحد ما ماتت وساعتها نورهان راحت المطبخ وجابت سكينة وكانت بتضربها في رجلها وراسها بيها ونورهان اديتها بالرجل في راسها وقعدت انا ونورهان قطعنا سلك الكاميرات وانا كسرت الكاميرات وفي كاميرا حلتها وكسرتها وعطتها لنورهان وحطتها في شنطتها ونزلنا من العيادة.
س وما قصدكم من ارتكاب تلك الواقعة؟
ج ننا نموت نجلاء.
س وما سبب قيامكم بالاستيلاء علي المصوغات الذهبية الخاصة بالمتوفاه الي رحمة مولاها وكذا هاتفها والنقود المملوكه لها؟
ج عشان الموضوع يبان سرقه.
س ما علاقتك بالاحراز التي تم عرضها عليك؟
ج هو السكينه دي اللي ضربت بيها نورهان نجلاء والكاميرا دي اللي اخدناها من العيادة والمج دا اللي اخدته نورهان من العيادة واللاصق دا اللي كنا اخدينه معانا والمقص دا اللي قصت بيه نورهان السلوك ودي الهدوم اللي كانت لبساها والتليفون الاوبو دا بتاع نورهان والصغير السايكو دا بتاعها بردة والمطواه دي بتاعتي والفلوس دي بتاعة نجلاء والتليفون والهدوم دي بتاعتي والكتر الي كان معانا والسلسة والساعة دول بتوع نجلاء والتليفون الايفون بتاعها والنوكيا بتاع العيادة والشات بتاع الواتس دا اللي بيني وبين نورهان.
س ما قصدك من ارتكاب تلك الواقعة؟
ج نقتل نجلاء ونسرقها.
س ما الذي حدث عقب ذلك؟
ج انا روحت واتفاجئت بالمباحث جت مسكتني من البيت.
س متي تم ضبطك تحديدا؟
ج يوم مقتلنا نجلاء بعد نص الليل.
س ومن القائم بضبطك ؟
جمعرفش اللي مسكوني.
س هليمن ثمة تفتيش انصرف إلي شخصك او مسكنك انذاك ؟
ج أيوة.
س ما الذي اسفر عنه ذلك التفتيش؟
ج ملقوش غير التليفونات اللي سرقتهم والمطواه اللي كانت معايا.
س وما طبيعة علاقتك بالرائداحمد المسيري وهل من خلافات؟ جمفيش علاقه ولا خلافات.
س ما قولك فيما سطره سالف الذكر بمحضر تحرياته المؤرخ 5 أغسطس 2021 والثابت اشتركك مع كلا من المتهمان محمد عشماوي جلال،نورهان الجميل في ازهاق روح المتوفاه الي رحمة مولاهانجلاء نعمة الله سعيد ؟
ج أيوة دا اللي حصل.
س ما قولك فيما سطره سالف الذكر بمحضر ضبطه المؤرخ 9 أغسطس 2021 من ضبك والمتهمان محمد عشماوي جلال، نورهان الجميل وارشادك عن الأدوات المستخدمه في ارتكاب الواقعة واقرارکم بارتكاب الواقعة؟
ج أيوة دا اللي حصل.
س انت متهم واخرين بقتل المجني عليهانجلاء نعمة الله سعيد مع سبق الإصرار والترصد بأن بيتم النية وعقدتم العزم على ازهاق روحها واعددتم لذلك الأسلحة والأدوات المضبوطة وتوجهت لمحل عملها بعد ان ايقنتم سلفا بتواجدها فيه بمفردها وقمتم بخنقها وكتم انفاسها وشل حركتها متعدين عليها بالضرب محدثين ما بها من اصابات مما اودي بحياتها علي النحو المبين بالتحقيقات؟
ج أيوه دا اللي حصل.
س انت متهم بسرقة المنقولات والمبالغ المالية المبينه وصفا وقدرا بالاوراق والمملوکه للمتوفاه الي رحمة مولاها كرها عنها بالاشتراك واخرين حال حملكم اسلحه علي النحو المبين بالتحقيقات؟
جأيوة دا اللي حصل.
س أنت متهم باحراز وحيازة أسلحة بيضاء (مقص سكين،كتر) دون مسوغ من الضروره المهنية والحرفيه بقصد استعاملها في ارتكاب الجريمتين محل الاتهامين السابقين علي النحو المبين بالتحقيقات؟
ج أيوة دا اللي حصل.
س أنت متهم باتلاف الكاميرا المملوكه للمجني عليها عبد الحميد محمد عبد الحميد عمدا وترتب على ذلك ضررا ماليا قيمته اكثر من خمسين جنيه؟
ج أيوة عشان متسجلش.
س أنت متهم بدخول عقار بقصد ارتكاب جريمة فيه؟
ج أيوة.
