نرصد رد فعل المشاهير على نتائج الثانوية العامة

حمادة هلال
طرح النجم حمادة هلال منذ قليل أغنيته الجديدة "نجحنا" بالتزامن مع إعلان نتيجة الثانوية العامة، ومشاركة فرحة أولياء أمور بنجاح أبنائهم، والأغنية من كلمات أحمد غريب، وألحان تيام على، توزيع ميدو عز، مهندس صوت محمد جودة.

وقال حمادة هلال في فيديو على حسابه بموقع "انستجرام"، قائلا: "أنا حواري دلوقتى لكل طلبة الثانوية العامة حبايبي وصحابي اللى موجودين معايا عايز أقولهم إن شاء الله ربنا يكرمكم وتفرحوا فرحة كبيرة وتجيبوا أحلى نتيجة اللى نفسكم فيها".

سامح حسين
نشر الفنان سامح حسين عبر حسابة بإنستجرام فيديو له وهو يتحدث عن الثانوية العامة وذكرياته معها بعد أعلنها اليوم من قبل وزارة التربية والتعليم.

وقال سامح حسين: "كل بيت في مصر فيه ثانوية عامه حتى لو مش فيه بس هي حالة توتر عامة في اليوم ده من كل سنة  أنا صاحي من النوم النهاردة متوتر أكتر من أيام ما كنت في الثانوية العامة".

مسترجعا لذكرياته مع الثانوية العامة قائلا: "أنا كنت بصطاد سمك يوم النتيجة وكان عادي جدا كان حلم حياتي أدخل كلية هندسة وربنا موفقنيش ومدخلتش هندسة اه بكيت شوية وروحت أكلت حواوشي ودورت على حلم تاني".

ووجه نصيحه للطلاب الغير موفقين في مجموعهم  "اللي فاته حلم يعافر ويدور على حلم تاني ومييأسش، ومحدش له علاقة بمجموع ابن خالته ولا بنت خالته ".


سمية الخشاب
و بكلمات بسيطة وجهت الفنانة سمية الخشاب، رسالة، لـ طلاب الثانوية العامة، وذلك من خلال تغريدة نشرتها عبر حسابها الشخصى بموقع التواصل الاجتماعى “ تويتر  “يا ريت حبايبي اللي فـ الثانوية العامة أول ما يجيبوا النتيجة؛ يطمنوني، عايزين نفرح أيا كانت النتيجة إيه، واللي جاي أحلى صدقوني”.

عمر كمال
ومن جانب آخر شهدت مواقع التواصل الاجتماعي خلافات بسبب نتيجة الثانوية العامة، كان طرفها عمر كمال المطرب الشعبي والبطل المصرى عمر عصر، لاعب تنس الطاولة، الحائز على المركز الخامس في دورة الألعاب الأولمبية الأخيرة طوكيو 2020، كأول لاعب مصرى وعربى يصل إلى ذلك المركز.

و رد "عصر" على تعليق "كمال" عبر حسابه الرسمي على فيس بوك متحدثا عن نتيجة الثانوية العامة قائلا: "جبت 90 %.. جبت 70%.. جبت 40%... الشاطر اللي يعرف يجيب فلوس في الآخر"..، قائلا: "دي فكرتك عن الحياة!؟ يعني الناس تتعب وتسهر وتذاكر وكل ده مش مهم! والفلوس لو اتجابت من طريق شمال برده تبقي شطارة! والله أنت لا تستحق اسم عمر اللي أنت شايله ومبهدله معاك"