رغيف الخبز والحد الأدنى للأجور.. رسائل السيسي في افتتاح مشروعات بدر

افتتح الرئيس عبد الفتاح السيسي، اليوم السبت، عددا من المشروعات السكنية المتنوعة، من مدينة بدر.

وتضمنت كلمته التي ألقاها، خلال الافتتاح، رسائل عدة تهم المصريين، ترصدها "الفجر" فيما يلي من سطور:

النمو السكاني

استعرض الرئيس السيسي، إحدى صور المناطق غير الآمنة، معقبا: "اللي إحنا بنشوفه ده عبارة عن دولة مقدرتش تلبي مطالب النمو الموجود فيها.. المواطن اللي عايش هنا عايش على شقة ممكن يدفع 100 أو 150 جنيه بالكتير، الموضوع مش فساد العشوائيات.. لا الدولة مقدرتش تسيطر على حالها".

وأشار السيسي إلى أن النمو السكاني الأكبر من قدرات الدولة سيترتب عليه سلوكيات كادت أن تؤدي إلى تدمير الدولة في 2011، منوها بأن قضية الوعي أخطر القضايا التي تواجه المجتمعات.

وأضاف "الموضوع عبارة عن أمور مركبة تنتج حالة يصعب على الدولة تجاوزها.. والمجتمع في الآخر عايز يعيش"، متسائلا: "هل علماء النفس يرون أن الأطفال في هذه المناطق يكون سيكون مزاجهم العام وطموحهم جيد؟".

وتابع السيسي "هتسألوا طب أنتم حليتوا المشاكل إزاي ده فضل كبير أوي على مصر من أول 2011 لحد اليوم.. المفروض ميبقاش حالنا كده".

تطوير العشوائيات

شدد الرئيس السيسي على أهمية ضبط الزيادة السكانية، متسائلا: "كم يكلف بديل المنزل الموجود في منطقة غير آمنة"، معقبا: "بديله بكام يا دكتور مصطفى.. داخل على 450 ألف جنيه من غير الأرض".

وأشار السيسي إلى أنه يتم تغيير المسكن في المنطقة العشوائية بآخر تكلفته نحو 400 أو 450 ألف جنيه بدون ثمن الأرض والمرافق، معلقا: "وبنفرش الشقة احتراما وتقديرا لأهالينا".

وأضاف: "إحنا بنقول للناس ادفعوا تمن الصيانة فقط.. مفيش أي عائد للدولة غير تغيير حياة الناس"، منوها بأنه لا بد أن يكون هناك ربط بين الزيادة السكانية والقضايا التي واجهت الدولة على مدار 100 سنة الماضية، معلقا: "فيه فرق بين التنظير وحل المسألة.. اللي بنعمله ده حل المسألة".

إعادة تنظيم الدعم

قال الرئيس السيسي إن الناس تصاب بالاندهاش عند الحديث عن إعادة صياغة الدعم، معلقا: "بيقولوا ما أنت ماشي كويس والناس كلها بتحبك.. إحنا بنعمل كده عشان بلدنا مش عشان الناس تحبنا، إحنا بنعمل اللي يرضي ربنا سبحانه وتعالى".

وأضاف السيسي: "إحنا بنتصدى لقضايا كل الناس لا تتصدى لها... مفيش حاجة اسمها ما ليش دعوة، النهاردة اللي كان قاعد في بيت في منطقة غير آمنة حصل على شقة بـ500 ألف جنيه، مصر أعطته 500 ألف جنيه".

وتابع: "عشان نكمل الموضوع لازم نعيد ترتيب وصياغة دعمنا اللي بنقدمه للناس"، موضحا أن قيمة الدعم سنويا تصل إلى 275 مليار جنيه تقريبا، أي نحو 3 تريليونات على مدى 10 سنوات، منوها بأن المبلغ المطلوب لتطوير الريف المصري يكلف 800 مليار جنيه في 3 سنوات، معلقا: "أرجو تربطوا الكلام مع بعضه".

واستطرد: "أنا مش هلغي الدعم متخافوش.. إنما هنعيد تنظيمه، وأنا بتصدى للقضايا مثلما تصديت للمناطق العشوائية، لازم أرتب ورق البلد دي حتى تكون دولة ذات شأن، أنا بختار الطريق الصعب، الطريق السهل إني أسكت، أنا عندي ماكلش وأعيش بشكل آدمي ومحترم".

رغيف الخبز

قال السيسي، إن وزير التموين يدرس حاليا ملف دعم الخبز، معلقا: "الناس هتقول بردو بتكرره تاني.. أيوة أنا بتصدى للقضايا، وبستفيد من الفرص عشان أتكلم معاكم وأقولكم إن الحال اللي كنا فيه غير قابل لإنجاح الدولة".

وأشار السيسي إلى أن الرغيف عندما تم تعديل سعره إلى 5 قروش كان حينها يكلف إنتاجه 18 قرش، وظل سعره 5 قروش رغم أن تكلفة إنتاجه وصلت إلى 65 قرش، معلقا: "ده كلام؟".

ولفت إلى أن الدعم كان يقدم لنحو 30 مليون مواطن منذ 30 عاما، بينما يستفيد من الدعم حاليا نحو 70 مليون مواطن، منوها بأن قيمة السلعة ارتفعت وعدد المستفيدين زاد، معقبا: "مين يقدر يستمر على كده.. لو أنا قولت أنا مش هكون وقتها واللي موجودين ربنا يوفقهم، وأنا كنت فاهم اللي هيحصل للبلد.. ربنا هيحاسبني، وهيقولي كنت فاهم الوضع وساكت ليه، هقوله أصلي كنت عايز استمر على الكرسي على طول، هيقولي الكرسي ده أنا اللي جبتك فيه وأنا اللي همشيك منه"، مستدلا بقوله "تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ".

وتابع، "ربنا هيقولي محدش بيجيب حد.. هقوله إيه ساعتها"، مؤكدا أن الأمانة تقتضي أن يتصدى للمشاكل التي يراها ويقوم بحلها".

المناطق العشوائية

وأعرب الرئيس السيسي عن رفضه لوضع المناطق العشوائية في مصر، قائلا: "البلاد اللي تكون كده دي بلاد مش عايشة، البلاد اللي زي كده دي بلاد مش شايفة، البلاد اللي زي كده دي بلاد ملهاش مستقبل".

وأضاف السيسي: "الولاد اللي تتربى في المناطق الخطرة والعشوائية وغير الآمنة دي يهدوا بلادهم.. لأنهم مأخدوش منها حاجة"، مشيرا إلى أن الشخصية التي ستنشأ في حياة بهذا الوضع لن تكون سوية أو قادرة على العطاء.


الحد الأدنى للأجور

وطلب السيسي، عرض صورة للمناطق العشوائية وغير الآمنة والخطرة بعد تطويرها، معلقا: "ده برنامج ممكن يكلف بنهايته نحو تريليون جنيه.. هاتقولوا ده رقم كبير، طب ما تكلفة الدعم في 10 سنوات تصل إلى 3 تريليونات جنيه".

وقال السيسي: "الفلوس موجودة ولكن لازم تتنظم.. الناس استغربت لما اتكلمت في رغيف العيش"، مشيرا إلى أن هناك منظومات وضعت على مدار السنوات الماضية على أساس وضع كان موجودا وقتها، ولكن هذه الأوضاع لن نقبل أن تستمر بهذه الصورة.

وأوضح أن تكلفة إنتاج رغيف الخبز تصل إلى 65 قرش، لافتا إلى أن دخل الفرد قبل 2011 كان أقل من 500 جنيه، بينما وصل الحد الأدنى للمرتبات حاليا إلى 2400 جنيه، معلقا: "ارتفاع الأسعار بنحاول نجابهه بتحسين أحوال الناس.. خلوا بالكم تحسين أحوال الناس ليس إنفاقا فقط، بل أيضا ضبط النمو السكاني".

وأضاف: "المبلغ اللي كان بيصرف على 5 مش هينفع يصرف على 10 أشخاص.. موارد الدولة زادت عن 1900 ولكن حجم النمو السكاني كان أكبر من قيمة الموارد ولذلك قيمة الجنيه مش زي 100 سنة فاتت".
تحسين أحوال المصريين

وقال السيسي، إن برنامج الدولة في تحسين أحوال الناس مستمر، إذ إن حجم الجهد المطلوب ضخم جدا.

وأشار السيسي إلى أن الدولة تتحرك من ملف لآخر لتحسين الوضع، مضيفا: "مستقبل البلاد مش كلام.. ده جهد وعرق وتضحية عشان الأجيال الصغيرة تعيش ويكون لها