Advertisements

عندي رغبة ضد الطبيعة

بوابة الفجر

مساء الخير استاذة نيفين 
مشكلتي بدأت من لحظة ما فكرة الحمل بدأت .. انا متجوزة من ٣ سنين وبحب جوزي وكل حاجة لكن عندي طول عمري مشكلة في فكرة ان يكون عندي طفل اصلا على عكس رغبة كل البشر العاديين ، انا شاكة ان يكون عندي مشكلة نفسية مرتبطة باهلي او بادية عندي من سن طفولتي بالرغم من ان طفولتي كانت حلوة .. لكن معرفش ليه من ساعة ما بقيت حامل وانا مش طايقة الدنيا ولا طايقة ابني اللي في بطني اللي لسة ما شفتوش ولا حتى جوزي طايقاه اعتقد زي ما كتبت لحضرتك كدة .. المصيبة دلوقتي ان سلوكي مع كل الناس اللي حواليا اتغير للاسوأ حتى اهلي ومن غير اسباب واضحة ودة طبعا مخلي كل الناس تزعل مني ولما حكيت مع امي قالتلي معلش يمكن دة اكتئاب الحمل لكن انا عندي شعور انه لأ لان حسب ما بسمع ان اكتئاب الحمل بيحصل بعد الولادة في الشهور الاولى بعدين انا مبدأ الانجاب اصلا تاعبني مش حكاية حمل وولادة وهتجنن من كدة وكمان خايفة دة يأثر على الجنين بالسلب وابقى شايلة وزره قوليلي اعمل ايه من فضلك .
فضفضة
محررة الصفحة .. نيفين حجازي
رأيي من رأيك .. ان الموضوع له صلة بحالة نفسية وكون طفولتك كانت جيدة ام لا ليس شرطا ليكون احساسك طبيعي تجاه فكرة الانجاب .. فهناك بعض التفاصيل التي يمر بها الانسان اثناء طفولته لا يتذكرها لكنها مختزنة بالعقل الباطن .. تتحكم احيانا في مشاعره تجاه بعض امور حياته او المواقف التي يتعرض لها .. نصيحتي ان تذهبي الى متخصص قبل ان تؤثر حالتك النفسية على صحتك العضوية لا قدر الله ولَك مني كل الشكر على ثقتك الغالية وان شاء الله ستجدين كل الخير بعد زيارتك للطبيب