طلاب الثانوية العامة بالمنصورة: امتحان الفيزياء عاوز أينشتاين (فيديو وصور)

عبر عدد من طلاب الثانوية العامة شعبة العلمي، عن غضبهم من صعوبة امتحان مادة الفيزياء، اليوم السبت.

وقال كريم سمير، طالب: "الامتحان يحتاج أينشتاين لحله، اللي مذاكر مش هيحل أكتر من ١٠ أسئلة من ٥٠ سؤالا، والوقت مش مكفي".

وأضاف إسلام حلمي، طالب: "معرفش عملت إيه، ومعرفش الامتحان كان عامل إيه".

وأوضح خالد أبو المجد، طالب: "دا مش وقت امتحان فيزياء، حسبي الله ونعم الوكيل، مفيش كلام يتقال".

وتابع إسلام الدسوقي، طالب: "الوزير عايز مننا إيه، ذاكرت حاجات روحت الامتحان لقيت حاجات تانية، ٣ أسئلة بس اللي أعرفهم من ٥٠ سؤال".

وأعرب عدد من طلاب الثانوية العامة بمدرسة الثانوية العسكرية ان امتحان الفيزياء جاء صعب وفي مستوى الطالب فوق المتوسط وأن الوقت غير كاف.

وقال أحد الطلاب: "أنا ذاكرت حاجات وروحت الامتحان لقيت حاجات تانية خالص، الوزير عايز مننا إيه مش عارفين".

ورصدت" الفجر" لحظة خروج طالبات مدرسة الشهيد المقدم أحمد حسن رشاد غنيم بالمنصورة من امتحان الفيزياء وانهيارهن في البكاء من صعوبة الامتحان، وأكدت الطالبات عدم كفاية الوقت في الحل، وصغوبة الامتحان.

وكانت ١٦٤ لجنة طلاب الثانوية العامة شعبة علمي علوم والبالغ عددهم بمحافظة الدقهلية استقبلت اليوم السبت، ٢٤ ألفا و٤٤٢ طالب وطالبة، لأداء امتحان الفيزياء، وسط إجراءات احترازية مكثفة.

وكان الدكتور أيمن مختار محافظ الدقهلية أعلن إنهاء استعدادات وتجهيزات مديرية التربية والتعليم بالدقهلية لمارثون امتحانات الثانوية العامة 2020/ 2021.

وفيما يتعلق بتكثيف الإجراءات الصحية ومتابعة تطبيق الإجراءات الإحترازية بلجان الامتحانات، قال وكيل وزارة الصحة بالدقهلية إنه تم توفير إشراف طبي لكل لجنة يضم طبيب أو زائرة صحية وتم التنسيق مع فرع هيئة الإسعاف لتوفير سيارة إسعاف في كل موقع تجمع لجان في 60 سيارة إسعاف للتعامل الفوري مع أية طوارئ.


كما تم إعداد المستشفيات من قبل إدارة الطوارئ والرعاية الحرجة لاستقبال أية حالات خلال فترة الامتحانات.