"محدش ضربها على إيديها".. منة فضالي تفتح النار على حلا شيحة بسبب تامر حسني
شنت الفنانة منة فضالي هجموماً حاداً على الفنان حلا شيحة بعد مهاجمتها للفنان تامر حسني بسبب عدم حذفه للمشاهد الرومانسية التي تضمنتها أغنية "بحبك" التي عرضت ضمن أحداث فيلم "مش أنا" المعروض حالياً بالسينمات.
وأبدت منة فضالي انزعاجها الشديد من كلامها، مُضيفة في تصريحات صحفية لها :"هو وقت الشغل تلبس وتسلم وتتصور عادي وبعدين تغلط؟ عيب".
وانتقدت منة فضالي خلعها للحجاب وعودتها للفن، ووصفت ذلك الأمر بالتناقض، مُضيفة:"بنلاقيها بتقلع الحجاب وترجع تشتغل وتقول كنت غلطانة، هو مش ده تناقض ديني؟ الإنسان المُتدين لازم يكون ثابت على كلامه، مش يغير كلامه كل فترة على حسب لو فيه جوازة أو شهرة ونجومية وأغلفة مجلات وفلوس".
واختتمت منة فضالي كلامها قائلة:"محدش ضربها على إيديها علشان تشتغل، ولا تامر أجبرها تصور المشاهد اللي هي متضايقة منها، عيب جدا اللي هي بتعمله، وعلي فكرة أنا بحبها رغم إني معرفهاش، بس هي وقعت من عينينا كلنا".
وكانت الفنانة حلا شيحة قد هاجمت الفنان تامر حسني وصناع فيلم "مش أنا"، وكتب شيحة في منشور عبر حسابها على" إنستجرام"، "أنا اتفاجئت جدا بنزول كليب يجمع مشاهد متفرقة من الفيلم في أيام ذي الحجة المباركة وخصوصا بعد آخر بوست نزلته وضحت فيه أنا إيه، واتفاجئت أكثر خصوصا بعد وعد تامر حسني ليا وتأكيده أنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي أنه هيحترم رغبتي».
وأوضحت أنها شعرت بالحزن بسبب الكليب الذي وصفته بأنه ليس مرضياً لله، مضيفة:"بتكلم من قلبي الكليب ده ميرضيش ربنا.. وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط، أنا مش هتكسف أنا تبت عن المشاهد دي وهي لا تصح وأنا غلطت وبصلح، والفن اللي بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".
