"كله جه عليا".. حمو بيكا يرد على انتقادات الجمهور له

رد مطرب المهرجانات حمو بيكا، على الانتقادات التي تعرض لها خلال الساعات الماضية، عقب مُشاركته في حفل افتتاح أحد المطاعم بمدينة الإسكندرية.

وظهر حمو بيكا، فى بث مباشر عبر صفحتة الرسمية عبر موقع التواصل الاجتماعى “ فيسبوك ”، "ليرد على اتهمه بأنه لا يلتزم بالإجراءات الاحترازية لمواجهة فيروس كورونا".

وقال حمو بيكا " بلاش تخربوا الدنيا على الفاضي وأنتم مش فاهمين أي حاجة، بلاش تتهموا حد من غير ما تفهموا في إيه أصل ، وكان اللى موجود فى الحفلة انا وعم أحمد شيبة هو اللى كان بيحيي الافتتاح بتاع المكان"

وأضاف "عمري ما أذيت حد ولا جيت على حد ولا اتكلمت على حد، طول عمري عايش في حالي، كله جه عليا وقلت الحمد لله، طول ما أنا واقف ع رجلي بحمد ربنا، ويارب يخلي لي أمي، أنا مستور بدعواتها".

واختتم "ياريت كل واحد يركز في مستقبله، مش كل حاجة تتطلعوا تخبطوا وترزعوا كفاية.. مش أي هري وخلاص.. ده ماكنش افتتاح المطعم بتاعي، لسه هفتح المطعم في شهر 9 الجاي، أى حد يتمنى لي الشر حسبي الله ونعم الوكيل فيه، عشان عمري ما تمنيت لحد الشر".