"أمهات مصر": لدينا تحفظات على جدولي امتحانات الصفين الأول والثاني الثانوي
"أمهات مصر": تحفظاتنا على جدولي الصفين الأول والثاني الثانوي من حيث الوقت وترتيب المواد
قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، إن جداول امتحانات الفصل الدراسي الأول للصفين الأول والثاني الثانوي جيدة ولكن هناك بعض التحفظات عليها من جانب أولياء الأمور.
وأضافت عبير، في تصريحات صحفية، أن تحفظات أولياء الأمور تضمنت قلة الوقت المخصص لزمن الإمتحان والتي يضيع ربعه في تسليم أوراق الأسئلة وتوزيع الطلاب واللجان، فضلا عن وجود امتحان مثل اللغة العربية والرياضيات في يوم واحد، وتخصيص 45 دقيقة فقط لمادة الكيمياء ومادة الفيزياء، وغيرها.
وتفاعل أولياء الأمور من الأمهات علي صفحة اتحاد أمهات مصر، في الفيسبوك، حيث قالت ولي أمر: "طب ينفع امتحن في ساعة مادة زى الكيميا والفيزيا؟ فيه ايه بجد كدا حرام أوى، ولا العربى اللى في ساعة ونص، هو ليه مصممين يحبطو العيال، يا سيادة الوزير انت بتتعامل مع أطفال فاهم يعنى ايه طفل تطلب منه امتحان مادة علمية في ساعة ولا الخبراء اللى مع حضرتك مخدوش بالهم من الوقت بجد حرام".
وأضافت ولي أمر: "طب حضرتك أخدتي بالك إن العربي والماث في يوم واحد، اللغه التانيه والميكانيكس كل ماده في يوم لوحدهم، مش قادرة افهم بجد"، وتابعت أخري: "المشكلة إن الساعة دى بتضيع في تنظيم اللجنة، هو فيه ايه بجد ليه مصممين يعاقبو طلبة ثانوى ليه التعنت دا لصالح مين اخرج طالب ناقم بحد مش فاهمة، احنا لامعترضين علي تطوير ولا علي نظام امتحان، بس مجرد ادى العيال وقت يعرفو يحلو فيه بلاش كله ضغط كدا".
وذكرت أخرى: "حد يقولى ده منظر جدول، ازاى عربى وجبر فى يوم واحد، ازاى انجليزى وكيمياء فى يوم واحد"، واستكملت أخري: "الجدول في منتهي الظلم حرام بجد ترتيب المواد والوقت".
