Advertisements

نموذج الزوج البومة

بوابة الفجر
انا متجوزة من خمس سنين وزهقت من كتر ما جوزي ساكت معظم الوقت ولما بكلمه غالبا بيرد عليا رد مختصر اكنه قرفان .. لما اساله مالك عصبيته بتزيد وتقلب خناقة علي حاجة تانية خالص .. بصراحة انا مش متجوزة عشان اخدم راجل ببلاش ولما يبقي يجيله مزاجه يبقي كويس يتعدل معايا ولما يكون غامض زي الموقف دة يسيبني اتفلق واخبط دماغي في الارض .. انا اتجوزت عشان جوزي يشاركني كل كبيرة وصغيرة وننبسط ونخرج ونسافر ونهزر مش متجوزة عشان اعيش مع بومة ذكر .. اسفة علي التعبير لكن دة احساسي ويمكن تلوميني لكن بجد مش مستحملة خلاص كفاية هم لغاية كدة .. ودلوقتي اتصرف انا ازاي مع الكاءن دة ؟
ل.م

فضفضة
محررة الصفحة .. نيفين حجازي
عفوا يا فندم انا لي ملاحظة .. ان سيادتك مركزة وواخدة بالك من الحاجات اللي بتضايقك بس واعتقد انك ما حاولتيش تركزي من البداية في الامور اللي بتضايق جوزك او حتي تعرفي اهتماماته .. انتي كل اللي مركزة فيه سبب ارتباطك فقط ومركزة في الجواز من وجهة نظرك فقط ودة مش صح .. من المفترض ان الزوجين اتنين مختلفين في الطباع .. والانسجام اللي حصل بينهم هو احد اسباب الارتباط برغم وجود الاختلاف .. وبالمناسبة الاختلاف شيء طبيعي جدا لايوجد انسان يشبه الآخر تماما . لكن المنطقي هو تفهم هذه الاختلافات من البداية ان تم قبولها تم الزواج وان لا اذن لايوجد انسجام .. هذا بخلاف ان كل البشر لديهم عيوب هناك المقبول منها وهناك المرفوض وايضا علي هذا الاساس يآخذ الانسان قراره بالارتباط .. ولي عندك لوم علي تشبيه بومة .. ليس معني احتلال المشكلات حياتنا بعض الوقت ان نفقد اثناءها احترامنا للآخرين لآن الاحترام المتبادل جزء آساسي في استقرار العلاقات واستمرارها .. في النهاية .. انصحك بمراجعة تفاصيل طرق تفكيرك اولا .. وبمنتهي العدل وبدون انحياز لنفسك .. ان نجحتي ولو بنسبة بسيطة في هذه الخطوة ستظهر امامك وبوضوح لماذا زوجك لم يقوم بالرد عليكي معظم الوقت وستظهر امامك اسباب غضب زوجك .. جربي لن تخسري .. بل العكس ربما ترسلي لي رسالة شكر .. ما اقصده انه من واجبنا تجاه انفسنا الوقوف امام المرآه من حين لآخر 
لنشاهد بوضوح عيوبنا .. ونصيحة اخيرة .. ارجو منك اعادة النظر في تقييمك لمعني الزواج كعلاقة من ارقي العلاقات التي خلقها الله سبحانه وتعالي