عملت تجميل ومضايقة
أزيك أستاذة نيفين انا عندي مشكلة بجد ازمتني ، من حوالي ستة شهور كنت مخطوبة لشاب وما حصلش نصيب لكن أثناء الخطوبة طلب مني أعمل تجميل في مناخيري مع أنها كانت شكلها كويس بس حبيت ارضيه وفعلا عملت العملية بس انا نفسي حسيت ان شكلي مش حلو بعد الجراحة والموضوع ده عاملي أزمة نفسية ده غير كمان اني بعد فسخ الخطوبة ارتبطت بإنسان تاني وخلاص قربنا نتجوز ولقيت خطيبي التاني بيقولي في اول معرفتنا هوة انتي عاملة تجميل فرديت بصراحة قلتله أيوة فرد علية قالي طيب ممكن أشوف شكلك قبل كدة في اي صورة ؟ فجبتله الصورة فعلا وزعل مني بعدها وعاتبني وبصراحة انا محبتش أقول له اني عملت كدة عشان رغبة خطيبي الأول وراعيت مشاعره .. لكن مشكلتي دلوقتي اني مضايقة جداً من شكلي ومضايقة اني مش عاجبه خطيبي التاني وكمان فرحي قرب وبجد انا مضايقة لدرجة الأزمة النفسية ومش عارفة اعمل ايه ؟ ياريت رأيكم محتاجة رأي الجميع
ل . نور
