"رجعلي ثقتي في الدنيا والحياة".. رنا سماحة توجه رسالة مليئة بالحب لخطيبيها سامر أبو طالب

كتبت رنا سماحة منشورًا قالت فيه: "البوست ده مش للنحنة خالص، هسميه وأما بنعمة ربك فحدث؛ لإني بحس دايمًا إني مش مدية الراجل ده حقه، اللي عارفني كويس عارف قد إيه فكرة الجواز أو الارتباط عمومًا كانت فكرة معقدة بالنسبه لي، وخصوصًا إني كنت بشوف دايمًا إننا في زمن البنت فيه هي الراجل اللي يقدر يكون سند ويقدر يتحمل مسؤولية من غير ما يجي راجل يتحكم فيها من أجل التحكم فقط من غير أي هدف، وكانت فترة الارتباط بالنسبه لي هي فترة الضغوط والمشاكل والعقبات اللي مالهاش آخر، ومع ذلك كنت بدي الي ف قلبي من جوايا من غير تفكير ". 

وتابعت رنا رئيس قائلة: "الراجل ده جالي في وقت كنت فاقدة إحساس الأمان والثقة في كل حاجة، كنت واخدة قرار إني هعيش لأهلي وشغلي ولنفسي فقط، كانت فكرة الارتباط بالنسبة لي بند ملغي من حياتي ومش هرجعله، جالي طبطب عليا واحتواني وداواني من كل جرح سندني، وأنا طول عمري شايفة إني سند نفسي، فرحني وطمني وعرفني يعني إيه أمان، واكتشفت ان كل الي فات من حياتي مكانش أصلاً موجود، عرفني يعني إيه حب، رجعلي ثقتي في الدنيا والحياة". 

ووجهت رنا سماحة رسالة للفتيات تنصحهم فيها بضرورة اختيار شريك الحياة المناسب لهم، حيث قالت:" الخلاصة الحب موجود وممكن يكون جمبك طول حياتك وانت مش واخد بالك منه، مترضيش بأي حاجه مترضيش غير بالي يسندك ويطمنك ويفرحك ويريحك، عشان أي حاجه غير كده مش حب، اللي هيحبك هيعمل المستحيل عشان يبقى جمبك ومعاكي قدام العالم كله ومش هيفرق معاه أي أعزار مهما كانت، اللي بيحبك هيدعمك و هيسعى معاكي إنك تكوني أحسن وأكبر وانجح، عمره ما هيحبطك هيعليكي عمره ما هينزلك، اللي يحبك هيفكر فيكي زي نفسه، لو تعبانه هيداويكي لو زعلانه هيراضيكي، لو وحشه هيحليكي لو وقعتي هيشيلك، لو ملقيتيش الحاجات دي في الراجل الي بتحبيه يبقى محبتيش راجل".

ووجهت رنا الشكر لخطيبها قائلة :" شكرًا يا حبيبي إنك موجود ف حياتي، شكرًا إنك راجل بكل ما تحمل الكلمة من معنى، بحبك وربنا يحفظك ليا، ويكمل فرحتنا على خير".