رنا سماحة: "لو خايفين من التحرش ربوا ولادكم كويس"

وجهت الفنانة رنا سماحة رسالة لجمهورها تحثهم فيها على ضرورة تربية الأبناء، لتجنب تعرضهم للتحرش، وذلك من خلال حسابها الشخصي على موقع "تويتر".

كتبت رنا سماحة تغريدة جديدة قالت فيها :"‏لو خايفين من التحرش ربوا ولادكم كويس، لو قلقانين من المثلية ربوهم برضو كويس، لو متضايقين من اللي بتشوفوه في مختلف الـ applications ربوا بناتكم كويس، لو متضايقين من العنف ربوا ولادكم كويس، لو مش عاجبكم التنمر ارجوكم ربوا ولادكوا كويس، إرجعوا لتربية زمان وعلموهم يشوفوا إيه ويتابعوا إيه ".

وتابعت سماحة قائلة:" "عرفوهم العيب والحرام، إتقوا ربنا فيهم، صاحبوهم خافوا عليهم بأفعالكم مش بالكلام، ولادنا بتقلدنا في كل حاجة، بيتعلموا مننا إحنا المصدر الأول لكل سلوكياتهم وثقافاتهم ومعلوماتهم، ف إستقيموا أنتوا الأول، أرجعوا لتربيتكم وأصولكم أنتوا الأول، حبوا بعض أنتوا الأول".

وأضافت رنا سماحة قائلة :"‏بطلوا حقد وكره، ارضوا ياجماعة، احمدوا ربنا وبطلوا تبصوا للناس في حياتها ورزقها،كفاية سف وهبد وترندات سخيفة ومساعدة في إنتشار العك أرجوكم".

وفي سياق آخر، خاضت رنا سماحة السباق الرمضاني الماضى بمسلسل "جمع سالم، وهو من تأليف محمد ناير، إخراج إيمان الحداد، بطولة دلال عبد العزيز، محمد شاهين، سلوى خطاب، ريم البارودي، ملك قورة، ميدو عادل، سامح الصريطي، بسنت شوقي،أحمد سلطان، ودارت أحداثه حول فكرة "التبنى"، والعلاقات الأسرية.