"المسافرون الأربعة".. مغامرة "رحالون" في 65 بلدة حول العالم بأقل تكلفة مادية
من منا لا يحلم بالسفر حول العالم، فذلك الحلم يراودنا جميعاً منذ الصغر، نقرأ عنه في كتب" 200 يوم حول العالم"، نغرم به في كتاب " صلاة، حب، طعام"، نقرأ عنه في تجارب المسافرين التي يشاركونها عبر صفحات مواقع التواصل الأجتماعي.
هذا الحلم أيضاً لطالما شغل 4 شباب مصريون، رسخ داخل أنفسهم عقيدة واحدة "أرض الله واسعة فلماذا نقضي حياتنا بأكملها في مكان واحد!" فدفعهم هذا الشغف للانطلاق في أكبر مغامرة بحياتهم حول العالم، حتى لُقبوا بلقب "4 Travellers"
منذ قرابة عامين، بدأ "أندرو" و"يوسف" و" ماريو" و"مينا"، رحلاتهم لاكتشاف العالم بكل بلدة فيه "سافرنا لحد دلوقتى أكتر من 65 مدينة مختلفة فى 20 بلد مختلفة، ولسه بدري علينا ناويين نلف كل بلد في العالم".
للسفر سبعة فوائد، هذا ما يؤمن الأصدقاء الأربعة" احنا مؤمنين إن العالم أوسع من إن الواحد يقضي عمره كله فى مكان واحد، وإن دائماً فيه أماكن جديدة لسه مروحنهاش ومغامرات لسه معيشنهاش! السفر من أهم الأنشطه اللي بتغير حياة الإنسان وبتخليه يكتسب مهارات جديدة"، وهو ما دفع الشباب الأربعة للسفر بالخارج، ونشر تجاربهم على صفحاتهم عبر مواقع التواصل الاجتماعي، من أجل مشاركة تشجيع الشباب على خوض المغامرة.
"تكلفة باهظة.. فيزا.. هعيش إزاي بره وأنا مش عارف حد!" جميعها أسئلة تدور في ذهن الشباب، بل وتجعلهم يعدلون عن فكرة السفر، الإ أن "المسافرون الأربعة" حاولوا تبسيط الأمور لكل من يرغب في السفر، بل ووجدوا حلاً للتغلب على تلك العوائق التي تواجه كل من يخشى فكرة السفر"هدفنا إننا نساعد أي حد نفسه يسافر، وأغلب مشكلة بتواجه الشباب هي الفيزا والفلوس، لكن كتير ميعرفش إن فيه 50 دولة المصريين مش محتاجين فيزا علشان يسافروها، وكمان تذاكر الطيران بتاعتهم زهيدة جداً ومحدش يعرف عنها حاجة! ده يمكن السفر لشرم والغردقة أغلى منهم، وده دورنا بقى إننا نعرف الناس علشان نشجعهم على السفر".
بدأ "المسافرون الأربعة" خطتهم لتشجيع الشباب من "الفيس بوك" فدشنوا صفحة تحمل اسم"4 Travellers"، ومن خلالها بدأوا بمشاركة تجاربهم في السفر، وتعريف النشطاء بالحيل التي تضمن للفرد السفر لأكثر من دولة بأقل تكلفة ممكنة"بدأنا خطتنا إننا نعمل صفحة على الفيس بوك، ونكتب بوستات للناس عن كل التجارب والمواقف اللى مرّينا بيها خلال السفر"، يقول أندرو، أحد المشاركين في الصفحة، "أنا شخصيًا سافرت 4 بلاد أجمل من بعض( لبنان - سريلانكا - چورچيا - الإمارات) من غير ما أطلع أي ورقة ، ولا حتى كان عندى حساب فالبنك!، ودفعت ما يقرب من 7آلاف جنيه فقط فكل الرحلات دي".
"لكل شيخ طريقة" هكذا يقول المثل الشعبي، وللمسافرون الأربعة أيضاً طريقة خاصة بهم للسفر إلى أكثر من دولة، ولكن بأسعار زهيدة" هي الفكرة إننا بنختار الدول اللي ملهاش فيزا، ودول 50 دولة بالظبط محدش يعرف عنهم حاجة، تاني حاجة تكاليف السفر فيه دول تذاكر الطيران الخاصة بيها زهيدة جداً فبنعرف الناس بيها، بجانب إننا بنقول للفرد إزاي يقضي أيامه في الدولة الي بيزوها وميصرفش الإمبلغ قليل جداً، بجانب إننا ممكن نوفر للشخص حد يستضيفه من بره".
"المتعة" هي العنصر الهام الذي يحظى به الفرد من الرحلة"احنا عاوزين الناس تستمتع بحياتها علشان كده بنركّز على الجوانب المجنونة فى كل سفرية، المغامرات والمخاطرات، المتعة والانبساط، الرقص والمزيكا والانطلاق، وبنحاول ننقل الصورة دي للناس بشكل كبير، وبدأنا نعمل جروبات سفر للخارج علشان نساعد اللى حابب يسافر بأقل تكلفة ممكنة".
