السيسي للمصريين: "متقلقوش محدش يقدر يعمل معانا حاجة"
وصل مساء اليوم، الرئيس عبد الفتاح السيسي إلى كاتدرائية ميلاد المسيح بالعاصمة الإدارية الجديدة وكان فى استقباله البابا تواضروس الثانى بابا الاسكندرية وبطريرك الكرازة المرقسية وعدد من أخبار ورجال الكنيسة المصرية.
ووجه الرئيس عبد الفتاح السيسي كلمة للشعب المصري، قائلا: كل سنة وأنتوا طيبين جميعا، استقبالكم جميل ورائع وأد ايه نحب بعضنا دا أمر جميل وأحنا كمان بنحبكم وزى ماأتعودنا فى الأعياد بداية كل سنة بنيجى نحتفل معاكم ونهنيكم وسنة سعيدة علينا كلنا وعاوز أكلم كلميتن مش هعطل قداسة البابا تواضروس ولا هعطلكم عن صلاتكم الموضوع الأول لازم نبقى مخلين بالنا بعلاقتنا مع بعضنا البعض واذا كنتوا بتحبوا ربنا حبوا بعضكم متخلوش حد ابدا يدخل بينا ويوقع بينا ويعمل فتنة بينا ودى بلادنا كلنا وهتفضل بلادنا كلنا ولا حد له زيادة ولا نقص وبقت ثقافة وعادات وتقاليد ودائما مع بعض وزيك زى أخوك وكلنا زى البعض ان شاء الله، وأى محاولة للوقيعة والفتن ننتبه لنا ولابد أن نجعل وقلوبنا أكبر منها".
تابع الرئيس: أما النقطة الثانية أنا شايف إن المصريين قلقانيين انتوا قلقانين ليه ؟ مفيش مجال للقلق لسبب واحد ان احنا مع بعض وطول ما أحنا مع بعض محدش يعمل فينا حاجه وربنا أراد اننا نكون فى ظروف صعبه ولينا وناخد بالنا ونلاحظ وعلينا اننا نخلى بالنا من بلادنا، وطول ما احنا مع بعض وان احنا ايد واحدة محدش يقدر يعمل معانا أو فينا حاجه احنا قادرين بفضل الله ودعوات الناس الطيبين أن ربنا يلهمنا الصبر والبصيرة واحنا بنتعامل بشرف فى زمن مفهوش شرف وربنا ينصر المخلصين والأمناء ومش عاوز اطول على قداسة البابا".
وقد أهدى الرئيس البابا تواضروس باقة من الورد، قائلا له: "كل عام وأنت طيب يا قداسة البابا وأرجو أن الورد يصل لكل المصريين وكل سنة وانتوا طيبين"
