أكاذيب الرجال داخل غرفة النوم
مساء الخير
انا متجوزة من سنتين والمفروض البيه اللي اتجوزته راجل وكمان محدش ضربه علي ايده عشان يتجوزني انا تحديدا لان جوازنا كان صالونات لكن فترة الخطوبة طولت بطلب مني عشان اقدر افهمه اكتر وهوة وافق علشان يلحق يجهز البيت .. المهم .. الناس كلها عارفة ان فترة الخطوبة بيبقي فيها كل الاحلام الوردية والوعود اللي من حلاوتها البنت تقعد تحلم بيها ومن ضمن الوعود اللي قدمهالي هية اشباعي الجنسي معاه والصراحة ومش هتكسف اني اقول لانه حقي اللي ربنا اداهولي اني من الناس الشغوفة جنسيا وطبعا هوة لقط الموضوع دة فراح عاش الخيال معايا وحسيت اني داخله علي هيركوليز هههههههه .. وعشان ما اكنش كدابة هوة في الفترة الاولي من الزواج كان ممتاز ومع مرور الوقت ابتدا اداؤه يقل ثم رغبته تقل ثم بدا ياخد اقراص مقوية والحكاية دي بتجنني لاني مش بتصور ان راجل لسة في عز شبابه يقضي ليله مع مراته بقرص طيب لو القرص مش موجود او ادي الي مشاكل صحية خلاص كدة بح حياة جنسية ؟ بصراحة الرجالة كلها حسب كمان ما سمعت من صحباتي دايما بيحاولوا يبالغوا في تقديم قدراتهم الجنسية وفي الاخر الست هية اللي بتلبس .. ده غير اني اكتشفت في الفترة الاخيرة انه لازم عمل حاجتين قبل ما يعاشرني ولما عرفتهم بالصدفة قرفت منه جدا وامتنعت عن معاشرته لغاية ما يحاول يبطل .. همة ايه بقي العادتين .. الاولي انه ياتي بمنيه بنفسه قبل معاشرتي ويشاهد فيلم بورتنو وقال ايه لما اكتشفت قالي عشان اقدر اقعد معاكي مدة اطول …هبيت فيه واتخانقت معاه قلتله يا سيدي مين قالك اني عايزاك تقعد مدة اطول انا المهم عندي انك تبقي طبيعي ازاي اقدر ابصلك وانت بتنام معايا بقرص وبتصرفات زي دي هل ده معناه ان جوزي بطل يثار بيه ؟ الموضوع دة هيجنني ويمكن قريب يوصل لطلاق .. انا لا يمكن اقبل ان الراجل بتاعي يبقي حياته معايا كيمياءية دي حاجة مقرفة جدا جدا .. هل لدي سيادتكم حل للقرف اللي انا فيه ده خصوصا ان جوزي نزل من نظري جدا .. ارجو الرد سريعا عشان هطلق بجد لو الموضوع دة ما اتحلش.
فضفضة
محررة الصفحة .. نيفين حجازي
يا هانم يا مدام .. مشكلة جوزك في الاغلب انها بادية من قبل الزواج وانه معتاد من قبل كدة علي مشاهدة النوع دة من الافلام والمشكلة هنا ان الراجل بيبقي متصور انه هيلاقي مراته علي نفس درجة اداء وحرفة واستقبال الست اللي بيشوفها في الفيديو داخل احداث الفيلم .. والمصيبة ان اي راجل بيعمل كدة ماجاش علي باله في اغلب الاحيان ان كل دة بيبقي تمثيل لانه فيلم قايم علي التربح .. وفي النهاية بيتصدم في الحقيقة لان كل انسان ربنا خلقه له قدراته الخاصة .. حتي هوة نفسه بيبقي متصور ان الراجل اللي جوة الفيلم بكل الاداء المبالغ فيه يقدر يعمله او انه النموذج المثالي لكل الناس وناسي خالص ان افراد الممثلين داخل هذه الافلام يقومون بتصويرها بشكل متقطع للايحاء امام المشاهد بانهم في منتهي المتعة والتي شروطها ان الرجل لايمل ولا يتعب والمرآة كذلك .. وطبعا كل هذه الامور مزورة .. هذا بخلاف ادمان الافلام الاباحية بشكل عام واعتماد الرجل علي مشاهدتها لتحفيزه دون ان يفكر ما الاضرار التي ستقع عليه وزوجته بعد الزواج ومن ضمنها ما تشكين اليوم منه في رسالتك .. الامر ليس بمستحيل حله يمكنك الكلام مرة واثنان مع زوجك ليقلع عن عاداته السيءة ربما اذا عرف منك ان ما يفعله يثير اشمئزازك وليس متعتك يبدا في التخفيف من عاداته حتي ان يقلع عنها تمام .. ارجو ان تتمي مهمتك معه بهدوء فهذه الامور حساسة وتجلب الكثير من المشاكل ان تكلم احد الاطراف بشكل غير لائق .. حاولي وانتري النتيجة وارسلي لي مرة اخري ولعل اموركما تتحسن ان شاء الله
