محمد إمام :"قررت إني مش هسلم على الجيران تاني"

حكى الفنان محمد إمام، موقف طريف حدث له مع أحد جيرانه، وذلك من خلال حسابه الشخصي على موقع تبادل الصور و الفيديوهات  الشهير "إنستجرام".

حيث قام إمام بنشر صورة جديدة له، ظهر في الصورة وهو واقف أمام البحر، ومُرتدي جاكيت مصنوع من قماش الجلد باللون الأحمر، نظارة شمس باللون البني.

وعلق إمام على الصورة قائلاً :" امبارح وأنا مروح قابلت جارنا، راجل لطيف جدًا، و كان شايل طفل عمره سنتين تقريبًا، علاقتي بجاري عبارة عن سلامات بس في الطالعة و النازلة، المهم قلت ابقى لطيف المرة دي معاه ليقولوا عليا تنك، فاقولته أخبار حضرتك إيه، قالي الحمدلله، قولتله مين الولد الأمور ده، قالي ده عريس خديجة ".


وتابع محمد إمام قائلاً :" أنا فجأة لقيت الدنيا ضلمت في وشي و دوخت و مش عارف اخد نفسي، و مش فاكر أنا رديت عليه ولا ايه اللي حصل ساعتها، كل اللي فاكره إن أنا اول مادخلت البيت قررت إني مش هسلم على الجيران تاني !! ربنا يستر على الواحد من اللي هيشوفه !!".


وأضاف محمد إمام قائلاً :"الصورة ملهاش علاقة بالموقف ، بس تقريباً ده كان تعبير وشي لما الراجل قالي كده !!، أبو_العروسة".

مُشاركة محمد إمام في فيلم "لص بغداد"

يُشار أنَّ محمد إمام انتهي أمس من تصوير فيلمه الجديد" لص بغداد"، والفيلم من المُنتظر عرضه في يناير القادم، والفيلمبطولة محمد عادل إمام، ياسمين رئيس، أحمد العوضي، فتحي عبد الوهاب، أمينة خليل، محمد عبد الرحمن توتة، صلاح عبد الله، أحمد رزق، والفيلم من تأليف تامر إبراهيم، من إخراج أحمد خالد موسى، وإنتاج شركة "سينرجي".

مشاركة محمد إمام في رمضان 2019

والجدير بالذكر أنَّ محمد إمام شارك في السباق الرمضاني الماضي بمسلسل "هُوجان"، وحقق من خلاله نجاحًا كبيرًا، والمسلسل من تأليف محمد صلاح العزب، إخراج شيرين عادل، إنتاج شركة "سينرجي"، و بطولة محمد إمام، أسماء أبو اليزيد، عارفة عبد الرسول،كريم محمود عبد العزيز، ميرنا نور الدين، إنعام سالوسة، أُوس أُوس.