هل استعانت هنا الزاهد بصورة قديمة خوفًا من الحسد؟
عين الحسود أصابت هنا الزاهد هو الخبر الذى انتشر مؤخرا بعد أن قام أحمد فهمى بنشر صورتها وهى تقضى شهر العسل على سرير المستشفى فى سنغافورة، مما أصاب الجمهور بصدمة خاصة أنها لا تزال تحتفل بأيامها الأولى فى الزواج. فهمى الذى قام بعدها بحذف الصورة وشكر كل من سأل على هنا لم يبرر السبب وراء ذلك أو يوضح الأمر. ولكن يتردد فى كواليس المشاركين فى مسلسل «اللالاند» والذى قدمته هنا قبل ثلاث سنوات بأن هذه الصورة تعود إلى وقت تصوير المسلسل حيث أصيبت وقتها بوعكة صحية فى تايلاند حيث تم التصوير هناك، فهل هذا السبب وراء حذف فهمى الصورة على انستجرام؟ والتى علق عليها وقال «عامة أنا ماليش فى الحركات دى خالص، ولا عمرى كنت هجيب سيرة ولا أنزل صور زى دى، وبقالى شوية بهزر مع صحابى الزملكاوية على الماتش، بس إحنا برا مصر أنا وهنا، وبقالنا يومين بنروح لدكاترة عشان هنا تعبانة ودلوقتى رحنا لتالت مرة عشان تعبت تانى جدا، بجد فى ناس مركزة أوى أوى أوى معانا لدرجة إن فى مهرجان «مش الجونة»، كان من كام يوم مبيسألوش أى حد من الزملاء عن الجائزة اللى واخدها لا بيسألوهم عننا وعن الفرح وعن تدخلى فى شغل هنا، بجد شكرا جدا لكل الناس اللى فرحنالنا من قلبها وربنا يديم النعمة.. أما بجد اللى مركزين أرجوكوا الحياة مش ناقصة.. إحنا فى شهر العسل وبايتين أهو فى المستشفى».
