بالفيديو .. أديب لـ"العريان": " أعتذر بكل رجولة للأمارات.. العبد هو اللي داير يشحت"

ردا على تصريحات عصام العريان القيادى الإخوانى، التى هاجم فيها دولة الإمارات، قائلا إن الإمارتيين سيكونون عبيدا عند الفرس ، طالب الإعلامى عمروأديب مؤسسة الرئاسة بإتخاذ رد فعل صارم تجاه تصريحات العريان ومطالبته بعدم الدخول فى مهاترات مع الأشقاء العرب.

وقال أديب خلال برنامجه القاهرة اليوم موجها كلامه لـ العريان : ازاى تقول لإخواتنا في الامارات كدة ؟..عصام العريان شتم دولة الامارات والشعب الاماراتي ومجد إيران ! دا فعل مشين من العريان .

وأشار أديب الى أن الامارات من أكثر الدول المحترمة واللي لديها أخلاق, مؤكدا ايوة أنا بحب الإمارات وشعبها.. ياعصام أنت لازم تعتذر للأماراتيين لان العبد اللي بيشحت من غيره ياعصام، هو العبد اللي داير يشحت من شعوب العالم .

وأضاف: ازاي ساكتين على الثلاتة الممنوعين من دخول مصر بأمر من المخابرات, التلاتة دول موجودين في سيتى ستارز بأمر الرئاسة !..خيرت الشاطر الزغلول الكبير بتاعكم سافر الإمارات وقعد 4 أيام على أمل مقابلة اي مسئول إمارتى و رجع بخفى حنين..الإخوان نسيوا كل المصريين السجناء في دول العالم و أهتموا فقط بإخوانهم المحبوسين في الإمارات .

وتابع أديب مهاجما العريان: يا عصام يا عريان انت بتلعب في علاقة تاريخية, شوف الإمارتيين بيتكلموا على مصر بإجلال و إحترام إزاى..أتحدى أن يكون هناك رجل أعمال إخوانى صنع ثروته خارج دول الخليج..أنت ياعصام بتدعم ايران انهم ياكلوا الخليج، ماهما هياكلوا الخليج وهييجي ياكلوك هنا .

وطالب أديب العريان، قائلا: يا عصام لو سمحت بكل رجولة أعتذر عن كلمة العبيد للأمارات وطالب بمحاكمة عادلة للمصريين هناك ، لكن هذه المهانة ربنا هيحاسبك عليها .