رجل "خيرت الشاطر" : النظام الأثيوبي دلوقتي شاف على الهواء حجم الغضب
قال أحمد المغير رجل خيرت الشاطر والناشط الإخوانى معلقاً على حوار مرسي مع القوى الوطنية بخصوص سد النهضة قائلاً :_حوار فيه كاميرات ده مش حوار أمن قومي ولا أمن باتنجاني ,متمنتج بقة أو على الهواء مش فارقة ،طالما فيه مصور واقف بكاميرته يبقة الإجتماع ده عادي جدا ولا فيه أسرار ولا فيه بطيخ واي واحد بيفهم أ ب أمنيات يفهم الكلام ده .
وأضاف خلال تغريدة له صباح اليوم عبر صفحته بالفيس بوك : طبعا حصل خطأ وخطأ مش بسيط إن بعض الحضور مكنوش عارفين طريقة إذاعة الحوار وده بالتأكيد تسبب في حرج ليهم لإنهم كانوا بيتكلموا براحتهم وأي حد مكانهم بيحب بلده وبيحاول يشوف حلول لمشاكلها كان هيتكلم زيهم , اللي حصل بالتأكيد يضايق وممكن يزعزع الثقة بين الرئاسة والناس اللي حضرتك لكنها إن شاء الله مشكلة هتتصلح .
واشار : ارفض تماما الهجوم اللي حصل على السيدة الفاضلة الشجاعة باكينام الشرقاوي ومش فاهم إزاي ممكن واحد فجأة ينسى مواقف المرأة العظيمة دي ويقعد يهاجمها الهجوم ده على خطأ ممكن يقع فيه أي حد بل وأنا كمان متوقع إن اللي حصل ده مش خطأها لكنها تحملته هيا مكان اللي أخطأ اللي غالبا هوا موظف بسيط كانت اللعنات كلها هتنصب عليه هوا.
واختتم المغير : رب ضارة نافعة ، والنظام الأثيوبي دلوقتي شاف على الهواء حجم الغضب الشعبي المصري تجاهه وده على فكرة عكس ما بيقول جهابزة الإعلام حاجة سيئة بل هي إيجابية جدا في التفاوض.
