رجل "الشاطر" يكشف حقيقة وزير الاستثمار.. وكواليس عمله بحملة "مرسي"
كشف الناشط السياسي أحمد المغير، الملقب إعلامياً بـ رجل الشاطر ، عن بعض المعلومات المهمة، عن وزير الاستثمار الجديد، القيادي الإخواني، الدكتور يحيى حامد.
وقال حقيقة أنا معرفش وزارة الإستثمار دي بتعمل إيه بالضبط بس أنا حابب أتكلم عن وزيرها الجديد يحيي حامد , يحيي أنا إتعاملت معاه شخصيا وإحنا في الحملة الرئاسية ولفترة صغيرة أثناء تواجده في الفريق الرئاسي , لو حبيت أوصفه في كلمة مختصر هقول عليه إنه دينامو .
وتابع، يحيي حامد فعلا كان هوا دينامو الحملة الرئاسية والفريق الرئاسي , أكتر واحد بيشتغل وأقل واحد بيظهر وكان الشغل اللي بيشيله هوا أكتر شغل متعب ومزعج اللي الآخرين دايما كانوا بيبعدوا عنه .
وأضاف، يحيي رغم إنه كان بياخد مرتب ضخم في عمله الخاص إلا إنه مترددش للحظة واحدة إنه يسيب كل حاجة ويتفرغ تماما للحملة الرئاسية وبدون أجر زيه زي عشرات الكفاءات اللي ضمتها الحملة الرئاسية ليها , يحيي حامد من أكثر الشخصيات اللي قابلتها قوة وحزم ورجولة وفي نفس الوقت خلق وتواضع وحلم وهوا فعلا من النماذج اللي لا بد أن يتم تعميمها في كافة مؤسسات الدولة .
