أيمن بهجت قمر: مسارح مصر بقت حاجة تحزن !
أعرب الشاعر والسيناريست أيمن بهجت قمر عن حزنه لما وصلت اليه مسارح مصر فى الأونه الأخيرة ، وما آل إليه حال الكاسيت فى مصر ، وقيام قراصنة الانترنت فى سرقة الأغاني قبل طرحها بالأسواق ، مبديا خوفه من ان يصل الحال الى السينما هى الأخرى حتى لا تفقد الصنعة ميزتها فى جذب الجمهور لدور العرض لمشاهدة الأفلام .
حيث كتب على صفحته الشخصية على الفيس بوك قائلا : كان فيه زمان مسرح .. وحضرت مع ابويا شويه من فترة إزدهار المسرح المصري هنا فؤاد المهندس هناك عادل إمام وقبله بمحطتين سمير غانم ونجم إلخ.. وبالذات في موسم الصيف في اسكندريه المسارح كلها منوره والكورنيش متغرق أفيشات لمسرحيات كتيييير .
متابعاً : دلوقتي لما تعدي على كورنيش إسكندرية تحزن على المسارح وهي مهجوره أو مهدوده وللأسف مابقاش فيه مسرح .
وأضاف : كان فيه سوق كاسيت .. وكل واحد بيبقى مستني الشرايط الجديده ويقف عند بتاع الشرايط زي العيل الصغير ومستني الطلبيه توصل ومش لمطرب واحد ده لمجموعة مطربين لحد ما انا وانت ابتدينا نعمل داون لوود ومقدرناش حجم المصيبه واستسهلنا واستهيفنا غلطنا ..كل الشركات قفلت وافتقدنا حاجه كانت بسيطه لكن جميله في حياتنا واحنا السبب..مابقاش فيه أغنيه .. ها ؟ حنخلص ع السينما كمان ؟ ! .
