منسق "أمهات مصر": أولياء أمور مدرسة تجريبي بالإسكندرية جمعوا 20 جنية لتزيين فصول أبنائهم
قالت هويدا حجازي منسق اتحاد أمهات مصر للنهوض بالتعليم، إن مجموعة من أولياء الأمور الطلاب بمحافظة الإسكندرية قاموا بشراء مناديل ومعطر وتزيين فصول أبنائهم، حيث دفع كل ولي أمر مبلغ 20 جنيها.
وأشادت حجازي، في تصريحات صحفية، بالدور الإيجابي الذي قامت به أولياء الأمور من الأمهات في المشاركة المجتمعية والمساهمة في حل المشكلات التي تواجه العملية التعليمية ودخول البهجة والفرحة علي أبنائهم الطلاب، مؤكده أن كل ذلك يدخل في إطار مبادرة الاتحاد "ادعم تعليم مصر" للقضاء علي الكثافة الطلابية والمشاركة بالتبرع في صيانة وتطوير المدارس.
وقالت ولي أمر أحد طلاب مدرسة الفضالي التجريبية للغات التابعة لإدارة المنتزة التعليمية بالإسكندرية: "دي مدرسة بنتي مدرسه لغات تجريبي رسمية، كان نفسي نعمل لولادنا حاجه حلوه عشان يفرحوا بمدرستهم ويحبوا المدرسين، واتفقت أنا وأولياء الأمور نساعد المدرسه بحاجه تفرح أولادنا وفعلا جمعنا من كل ولي أمر 20 جنيه فقط وده طبعا خارج المدرسة وبعيدا جدا عن المدرسين عشان محدش يتكلم معاهم".
وأضافت: "وفعلا نجحت في لم المبلغ وذهبنا انا واستاذه فاضله وولي امر برده معانا من المدرسه واود لها كل الشكر والاحترام لأنها تعاملت معنا ودفعت كمان زيها زي أي ولية أمر واشترينا كل المتطلبات من ديتول ومناديل ومعطر وأدوات كتابية حتي كمان سماعات عشان الآكتف بورد وجبنا ستاير وموكيت وباسكيت، وأحلي حاجه عمل الديسكات بالإستيكر.. طبعا تعبنا وجهزنا واللي تبقي من الفلوس عملنا فطار جماعي وحفله صغيره، وطبعا الفضل يرجع لمديره المدرسه لأنها دعمتنا بتنفيذ الفكرة.. وبكده كلنا كنا ايد واحده وبعشرين جنيه بس والله وروح الجماعه بتبقي اغلي من الفرد، وفعلا بدأت انفذ الفكرة للمدرسه كلها، عشان تكون مدرستنا بيتنا التاني لولادنا".
