جدل بين أولياء الأمور والمعلمين بعد طلب "حبس المعلم" المعتدي على الطالب

تسبب طلب إحاطة للنائب فايز بركات عضو لجنة التعليم بمجلس النواب، للدكتور طارق شوقي وزير التربية والتعليم، حول مواجهة ظاهرة ضرب المعلمين لطلاب المدارس، متضمناً توقيع عقوبة الحبس التي تصل لـ 10 سنوات، في حدوث جدل بين أولياء الأمور والمعلمين.

وقالت عبير أحمد مؤسس اتحاد أمهات مصر للنهوض بالتعليم، إن المعلم الذي يقوم بضرب الطالب ويسبب له إصابات في جسده وحدوث عاهة فيجب فصله من الخدمة، وتحويله للنيابة العامة وتوقيع عقوبة الحبس، وذلك لأنه انحرف عن دوره التربوي وقام بعمل إجرامي جنائي، مناشده جميع المعلمين بضبط النفس واحتواء الطلاب.

وفي المقابل، شددت عبير علي معاقبة الطالب المخطئ بأسلوب تربوي وتوقيع الجزاءات المنصوص عليها في اللوائح والقوانين، مناشده أولياء الأمور بتوعية أبنائهم والتأكيد على احترام المعلم والانضباط داخل المدرسة، مقدمة التحية لأغلب المعلمين الذين يقومون بعملهم بكل جهد وإخلاص في ظل هذه الظروف الصعبة، مؤكدة أن دورهم وطني في المقام الأول.

وشهدت صفحة اتحاد أمهات مصر للنهوض بالتعليم، على فيس بوك، جدلاً واسعاً بين أولياء الأمور والمعلمين، حيث قالت ولي أمر: "الضرب مش عقاب تربوي، دا تعذيب، والمدرس اللي مش عاجبه سلوك طالب يعمله إنذار واستدعاء ولي أمر، أنا عندي يفصل ابني وميمدش ايدوا عليه، محدش يسمح لحد يمد ايده علي ابنه، المدرس اللي بيضرب بتبقي نفسيته مريضه، والناس اللي بتقول احنا انضربنا احب اقولهم سيدنا علي بن أبي طالب لما قال -لا تربوا أبنائكم كما ربيتم فأنهم خلقوا لزمان غير زمانكم- واللي ينضرب عمره ما هيكون قائد أو شخصية أو مبدع"، ورد عليها أحد المعلمين قائلا: "وليه مش بتقولوا الكلام دا أما يحصل تعدي على المعلم ولا يتحرش طالب بمعلمه؟".

وأضافت ولي أمر أخري: "أنا مع تغليظ العقوبة، كأن المدرس بيفرغ الكبت والغضب اللى عنده فى الولاد"، فرد أحد المعلمين: "مفيش غير المعلم في السلبيات بس؟، مفيش مرة تتكلمي عن المرتبات المتدنية والقوانين اللي مش موفرة أدنى حد من الكرامة للمعلم، الواحدة فيكم معاها عيلين ومش طايقة نفسها منهم واحنا بنتعامل مع 80 و100 طالب في الفصل، ووقت ما الواحد يغلط الكل يتنطط عليه دي بقيت حاجة تقرف خنقتونا".

واستكملت ولي أمر: "أنا من الأمهات اللي متعقدة من المدارس واللي بيحصل من بعض المدرسين المعقدين نفسيا، وأنا مع تغلظ العقوبة بالحبس"، واتفقت معها في الرأي ولي أمر أخري: "ياريت والله، الموضوع زاد اوي عن حده".