كلمة البابا تواضروس بعد تدشين مذبح كنيسة العذراء مريم بنيويورك
ألقى قداسة البابا تواضروس الثاني بابا الإسكندرية وبطريك الكرازة المرقسية كلمة لشعب كنيسة القديسة العذراء مريم والشهيد مارمينا ساركيوس نيويورك بعد تدشين مذبح الكنيسة وأيقوناتها.
وقال البابا تواضروس لشعب الكنيسة: "أنا سعيد للغاية بوجودى معكم اليوم فى كنيستكم الجميلة ربنا يبارك لكم ويبارك فى خدمة ابونا كيرلس ورعاية نيافة الأنبا دافيد لكم".
وتابع تواضروس: "اسم بلدكم موجود فى الإنجيل ودى بركة كبيرة فى أعمال 28 "سيركيوز" ربنا يكون وياكم دائمًا وببقى مبسوط لما بشوف كنيستكم جميلة وحكوا لى عن حامل الأيقونات الأبيض اللى فى كنيستكم بما أن حامل الأيقونات أبيض معناه قلبكم كمان أبيض والأيقونات جميلة كأنكم عايشين فى مصر ولما بيكون عدد الشعب قليل خدمته بتكون فيها جودة".
وأضاف: "ربنا يفرحكم وتربوا أولادكم وهما ماسكين فى جذور الكنيسة واحنا كان عندنا ملتقى الشباب العالمي وكان معنا شباب من 5 وكان برنامجنا 8 أيام وعنوانه "عودة للجذور" وكان شبابنا عندهم طاقة كبيرة لزيارة كل شيء فى مصر ونحن نفكر فى توسيع هذا البرنامج وناخد بالنا من جذورنا وتقليدنا وعادتنا المسيحية".
واختتم البابا تواضروس كلمته: أشوفكم بخير وربنا يبارك عمله ومصر بتسلم عليكم 100 مليون بيسلموا عليكم ونشكر ربنا أمورنا فى مصر مستقرة ومصر بلد لها خصوصية مش علشان انا مصرى اولًا ان المسيح زارها وقعد فيها وباركها والحياة فى مصر لم تدر بالحسابات والأرقام والإحصائيات بل فى نعمة خاصة فى البلد صحيح حصلت ثورات وتعب لمصر لكن بدأت تتعافى وتتحسن وأتعاب سنين بتاخد وقت للتعديل ولكن الآن فى جدية فى تحسين كل الأمور ربنا يبارككم ويكون وياكم".
