طريقة عمل الفخدة الضاني في الفرن
المقادير
١- فخدة ضاني متوسطة الحجم.
٢- عدد ٤ بصله مفرومه.
٣- عدد ٢٠ فص ثوم مفروم.
٤- عصير طماطم .
٥- ليمونه كبيره .
٦- خل (حسب الرغبه)
٧- ملح (حسب الرغبه)
٨- فلفل اسود (حسب الرغبه)
٩- ملعقه كبيره كمون (يمكن الاستغناء عنه)
١٠- بهارات لحمه اذا كانت متوفرة .
طريقة عمل الفخدة الضاني
ازالة منها الدهون والجلد الزائد، غسلها جيدا بالخل ونضع الطماطم ف الخلاط بالبصل والثوم والفلفل الأسود والكمون والخل والملح والبهارات والليمون
نقوم بعمل فتحات في الفخده وتكون فتحات كتيره وبعدين نحط التتبيلة، في صواني بايركس او تيفال، ونتبل الفخدة ونضعها في الثلاجة.
في اليوم الثاني نسخن الفرن على درجة حراره ٢٠٠ وبعد ما يسخن تغطي الصينية بورق فويل عشان يحافظ على اللحمه والتتبيله من الحرق وتدخل الفرن وتخلي درجة الحرارة ١٨٠، وكل نصف ساعة نرفع ورق الفويل ونشوف الفخده، ولو حسيتي إن الميه اللى نازله من الفخده قليله زودي شوية ميه وكل ما تقل نزود ميه.
بتاخد حوالي من ساعه ونصف لساعتين عشان تستوى وممكن تزودى الخل فيها عشان تستوى أسرع لأن الخل بيفتح المسام في اللحمه وبكده تستوى اسرع، بعد ما الفخده تستوى ممكن ترفعي ورق الفويل وتشغليلها الشوايه من خمس إلى عشر دقائق لكن لو مش بتحبي اللحمه ناشفه بلاش شوايه.
نجهز الطبق اللى هتتقدم فيه وبعد ما تخرج من الفرن نشيلها من الصينية لطبق التقديم وتزيني الطبق ببقدونس وشبت وفلفل الوان على حسب رغبتك، ممكن تتقدم مع رز بسمتي أو رز عادى وسلطة طحينه ، أو أي نوع من انواع المخللات أو بمفردها حسب رغبتك.
