آخرهم بدرية طلبة.. حملة "أنا ضد التنمر" تجمع رسائل وحكايات المشاهير
أطلقت وزارة التربية والتعليم والتعليم الفنى، حملة "أنا ضد التنمر"، بالتعاون مع منظمة اليونيسيف، والمجلس القومي للطفولة والأمومة.
وبدأت الحملة فعالياتها فعليًا على مواقع التواصل الاجتماعي، يوم 29 أغسطس الماضي، ولاقت انتشار واسع في كافة الأوساط الإعلامية.
وتخطت الحملة 11 مليون مشاهدة على وسائل التواصل الاجتماعي، ولاقت استحسانا وصدى واسع بين الأطفال أنفسهم.
منى ذكي "لازم تتكلم"
قالت الفنانة منى ذكى "بلطجى الشلة اللى عايز يبين قوته بانه يهين اللى حواليه، وقفوا الشخص ده عند حده" موجهة رسالتها للطفل الذي يتعرض للتنمر: "لازم تتكلم".
أحمد حلمي: "حولت كل الكلام اللى كان بيجينى يهدنى لطاقة وقوة"
وكشف الفنان الكبير أحمد حلمى،تعرضه للتنمر فى فترة طفولته، مشيرا لضيقه الشديد من الكلمات التى وجهت له، وذلك فى مقطع فيديو لدعم حملة ضد التنمر، لحماية الأطفال.
الفنان أحمد حلمي سفير النوايا الحسنة ليونيسف مصر، سرد مواقف من طفولته، لدعم حملة "أنا ضد التنمر"، موجها رسالة لأولياء أمور الأطفال الذين يتعرضون للتنمر، لحثهم على كشف تعرضهم للتنمر، ومن أساء لهم فى فترة طفولتهم، ومصادقة أطفالهم وعدم التنمر على أبنائهم.
وقال حلمى: "حولت كل الكلام اللى كان بيجينى يهدنى لطاقة وقوة، وصلابة أنى اثبت لنفسى أولا أن الكلام دا مش فيا ومش حقيقى، الحاجة الوحيدة اللي مقدرتش اغيرها هى ودانى لسه مطرطقة زي ما هى بس حولتها لعلامة مميزة".
عمرو سلامة: "كلامهم في ودني"
وروى المخرج عمرو سلامة فروى تجربته مع التنمر ذاكرًا أسماء أصدقائه وهم أطفال: "فيه ناس عملتلى تنمر وأنا صغير، ولسه فاكر كلامهم اللى كانوا بيقولوه عليا، لسه فى ودني".
يسرا: "لازم تواجه"
ودعت الفنانة يسرا بعدم قبول التنمر ومواجهته: "أنا مش عايزك تخاف، لازم تواجه وأهم حاجة ماتنكسرش".
جنا عمر: "أنا كمان اتعرضت للتنمر"
وكشفت الفنانة جنا عمرو أنها تعرضت للتنمر من قبل بعض الأفراد، موضحة أن الإنسان الذى يتعمد إيذاء الآخرين بالكلام شخص مريض، ويجب ألا يسبب ذلك فقدان الثقة فى النفس.
وقالت جنا، "أنا كمان اتعرضت للتنمر، يعنى الشهرة ما منعتش ده علشان كدا بقولكم إن الغلط مش فيكم لا الغلط فاللى بيتعمد يأذيكم بالكلام واوعوا تفقدوا الثقة فى نفسكم وفى قدراتكم #لا_للتنمر#أنا_ضد_التنمر".
بدرية طلبة: أدمرت نفسيًأ
وقالت بدرية طلبة عن حكايتها مع التنمر، "حصلى فعلا كنت مريضة بالغدة ومكنتش أعرف اللى بيحصلى ده من أعراضها كانت مخلية وزنى 45 كيلو وجاحظة عينى ومسببة لى زى شلل رعاش وعدم توازن وكنت على المسرح ووقعت".
وأضافت بدرية طلبة، "وأنا بحاول أقوم سمعت واحد فى الصف الأول بيقول البنت دى بتشم، خلانى أدمرت نفسياً، لأنى أصلا مش مدخنة، وممنوع أتواجد فى مكان فيه دخان لأنى مريضة صدر، وعلشان كلامه الجارح ربنا أكرمنى بدكتور وأستأصل الغدة اللى كانت خبيثة".
وتابعت بدرية، "الدكتور قالى رجوعى لحالتى الصحية ولوزنى وشكلى الطبيعى حياخد سنين بعد العملية، كنت كل ما أشوف حد بيتكلم ويبص عليا أفكر أنه بيقول نفس الكلام الجارح لحد ماشوفت فيلم آسف على الإزعاج اللى غير مجرى حياتى وخلانى أفترض حسن النية فى اللى بيتكلم أو بيبص لى، وفعلا كان ربنا أكرمنى واتعرفت والناس بيتكلموا على طعامتى وخفة دمى".
وأضافت بدرية طلبة، "وكان ربنا أكرمنى وجبت مكياج داريت الهالات السودة وحبيت عيبى وحبيت الهالات السودة وهى حبتنى وتعايشنا مع بعض، وحمدت ربنا أنه أكرمنى بعيب بقدر أداريه بالمكياج".
